Pause It

Open Now

Now Closed

Pause it - 寫意咖啡廳今日嚟到北角區一間Cafe，位置於地面嘅位置，門面有大大塊高身嘅落地玻璃，陽光可以直接照射到店內，店內以白色元素為主，配以木元素嘅家具，非常簡約，俾人一種好舒服嘅感覺。黑椒牛肉多士配薯條 $84大大塊嘅黑椒牛肉片，味道鹹香，配上流心嘅太陽蛋，仲有新鮮爽口嘅火箭菜，加上塗上芝士既厚身多士，非常有層次嘅多士，另外仲有大量嘅粗炸薯條！紅酒燴西班牙豬軟骨意大利飯 $98熱辣辣嘅意大利飯，意大利飯軟硬度適中，味道比較偏向蕃茄味，當中加入咗豬軟骨，有咬口之餘，面層仲有芝士！伯爵茶鮮奶咖啡 $42非常清新嘅伯爵茶香味加上鮮奶咖啡，兩者味道又唔會搶掉對方，相當有驚喜。香橙朱古力咖啡 $42完全同食香橙朱古力餅乾一樣，當中仲加咗好多香橙果皮乾，相對少見嘅咖啡種類。 原來咖啡廳仲設有咖啡拉花課程！飲完佢哋嘅拉花咖啡，即刻心思思想報添。