Video
Read full review
2023-06-21
48 views
今日特登入嚟同朋友食個飯，隨便游個車河再食個糖水。行完西貢碼頭就去搵食，呢間餐廳係正巴士小巴站附近，地點好方便，而且餐廳有180度嘅海景，推介坐出邊，可以一邊望吓海一邊食下野，可惜嗰日有少少雨粉，所以唯有揀室內。員工會俾你揀位，之後再介紹反餐牌同酒類飲品，再推介下食物，最後都會問返你覺得食物啱唔啱食，完全感受到佢地既熱情。墨西哥雞肉煎餅平時比較少見到有呢啲小食，所以叫咗個梨試吓，裏面有辣既青椒，都幾辣下，上面嗰醬汁幾惹味，入邊夾住雞肉，應該仲有啲芝士，送酒幾正，旁邊仲有個似係酸忌廉同埋蕃茄醬汁，可以沾梨食。香草燒法國春雞配黑松露牛油雞肉燒到金黃色，切開裏面有香草，蒜味，雞肉好嫩滑有汁，再配上黑松露牛油，令到雞更加香口。旁邊配上烤蔬菜同焗薯都好好食。炭燒頂級美國肉眼牛扒配烤薯條蘑菇汁呢個牛扒真係大大份，叫咗五成熟，煎到剛剛好，無over cook ，牛扒保留左肉汁。配埋香脆嘅薯條同埋烤蔬菜，呢個價大大份都算抵食。Stella Draught 當然叫返兩杯啤酒chill下，由於朋友揸咗車，所以佢只可以飲兩口，剩返嘅就由我代勞啦😃
今日特登入嚟同朋友食個飯，隨便游個車河再食個糖水。行完西貢碼頭就去搵食，呢間餐廳係正巴士小巴站附近，地點好方便，而且餐廳有180度嘅海景，推介坐出邊，可以一邊望吓海一邊食下野，可惜嗰日有少少雨粉，所以唯有揀室內。
員工會俾你揀位，之後再介紹反餐牌同酒類飲品，再推介下食物，最後都會問返你覺得食物啱唔啱食，完全感受到佢地既熱情。
墨西哥雞肉煎餅
平時比較少見到有呢啲小食，所以叫咗個梨試吓，裏面有辣既青椒，都幾辣下，上面嗰醬汁幾惹味，入邊夾住雞肉，應該仲有啲芝士，送酒幾正，旁邊仲有個似係酸忌廉同埋蕃茄醬汁，可以沾梨食。
香草燒法國春雞配黑松露牛油
雞肉燒到金黃色，切開裏面有香草，蒜味，雞肉好嫩滑有汁，再配上黑松露牛油，令到雞更加香口。旁邊配上烤蔬菜同焗薯都好好食。
炭燒頂級美國肉眼牛扒配烤薯條蘑菇汁
呢個牛扒真係大大份，叫咗五成熟，煎到剛剛好，無over cook ，牛扒保留左肉汁。配埋香脆嘅薯條同埋烤蔬菜，呢個價大大份都算抵食。
Stella Draught
當然叫返兩杯啤酒chill下，由於朋友揸咗車，所以佢只可以飲兩口，剩返嘅就由我代勞啦😃
Post
