Arte by Padaria (Moved) New Location

大家估唔估到呢個圓形嘅波波係咩嚟呢？係法式可頌夾心球🥖 即係麵包🤣🤣估唔到依家連麵包都整到咁精緻，佢靈感源自新月型嘅傳統可頌麵包， 結合由新月化成滿月嘅美觀外型，真心整到勁靚。而且有唔同顏色，唔同嘅口味，真係勁得意。而且佢仲會用一個盒裝住，好似拎住蛋糕咁，好有儀式感。口味方面，佢哋有好幾款波波，包括朱古力榛子脆脆醬牛角波，蝦醬馬德蓮蛋糕配肉鬆牛角波 等等。而且佢仲有紅豆味同埋杏仁味，又鹹又甜又靚。就算拎嚟做散水餅或者送禮物俾人，都完全唔會失禮。而且佢遲啲仲會喺K11 Art Mall開新店，所以都好方便去購買。