Twinkle Baker Decor (Closed)

好耐之前食過Twinkle Baker Decor既「扮清糕」cupcake，覺得個名好詼諧搞鬼，印象深刻。好少本地蛋糕品牌有靚蛋糕又有好既marketing。今日係阿妹生日，佢又最愛粉紅色，於是揀左呢個超夢幻既「櫻花樹下」比佢🌸蛋糕頂層有粉紅同白色既棉花糖同朱古力裝飾，蛋糕面仲有櫻花花瓣，真係好少女心呀，買黎做情人節蛋糕都得。本身對靚蛋糕味道冇咩期望，因為我唔太中意慕絲蛋糕；但係因為有白桃果肉襯白桃慕絲，成件事即刻好和諧，食晒成件都唔覺得漏。佢個慕絲食得出係靚野，入口酸甜輕盈。蛋糕既翻糖皮有浸好香既奶味，入口即溶，好有驚喜呀。拎蛋糕果陣仲見到「富士山下」同扭蛋造型蛋糕，真係好靚好吸睛。