La Famille (Closed)

今日行經銅鑼灣，見到La Famille 在怡和街原來開了分店，畢嬲都好鐘意佢地嘅蛋糕，又靚又好味，我又點捨得唔買呢？店子蛋糕的款式相當多， 隔住個玻璃餅櫃見到啲七彩繽紛嘅蛋糕已覺十分吸引， 真係花多眼亂，仲要件件獨立以玻璃罩蓋住，非常整潔衛生，真係食得安心又放心。皇牌士多啤梨$56~ 以日本產士多啤梨和啫喱作為裝飾，又靚又甜好好味。蛋糕軟綿濕潤，好似吸滿士多啤梨汁，非常可口美味。斑蘭戚風蛋糕$56~班蘭香味氛芳，上面鋪滿軟滑忌廉和紅莓，每一口蛋糕都充滿班蘭香氣和綿滑口感，不甜也不腻，好滋味。柚子味戚風蛋糕$56~柚子味十分清香，cream好細滑香口，蛋糕鬆軟而帶少許柚子皮，以紅桑子和黑莓 點綴，開胃又清新。英國伯爵茶戚風蛋糕$56~ 蛋糕中央唧滿以英國伯爵茶葉打成的忌廉，又香滑又充滿茶香，戚風蛋糕亦 充滿伯爵茶的香氣， 榛子口味的馬卡龍少甜，亦有濃郁的榛子味道，好好味啊！