Italian Tomato (Closed)

公司樓下有間細細既Italian tomato，每次經過都心思思想買，但又怕肥喎，因為都幾大件，一定要同人一齊分享。聖誕節一年一次，但仍然係要返工，唯有買返件cake獎勵下自己啦🤤 眾多款蛋糕中，最吸引我就係呢件，好靚好冶癒❤️士多啤梨芝士蛋糕 $38士多啤梨大大粒，食落新鮮，酸酸甜甜好清新芝士蛋糕質感好扎實，同時十分綿密，芝士味好香濃，口感都好順滑。而餅底唔會一筆就散，同上面既蛋糕融合埋一齊亦唔會過重牛油香。側邊既餅皮亦結實不易散且帶點脆口，配埋忌廉同杏仁碎一齊食，口感豐富，能享受多重味道，整體十分不錯，下次有機會會試下其他款❤️