一心素食 (Closed)

公幹回來， 已經排滿了團年飯局，要食好多餐， 諗起都覺得吃不消第一餐竟然是食齋， 朋友是素食者，當然要奉陪。揀了這一間在工廠區內， 晚上人流較少，招呼周到，地方寛敝， 好過在旺區食， 樣樣都趕住上，因為要做多幾轉生意。天氣乾燥，叫了羅漢果茶潤一潤喉好似西餐模式，飲雞尾酒溫泉蛋賣相不俗， 雞尾酒易入口， 酒味醇和， 加上冰菜，幾條辣椒絲和流心溫泉蛋 ，好好飲意式煮茄子 用橄欖油烹調更覺健康， 茄子插上了數片紫蘇葉和擺放了紫薯乾，更覺漂亮，汁料用意大利番茄醬， 食落又幾特別， 真佩服大廚的心思，可以把簡單的茄子造成花巧美食。淮山露筍柚子味沙律有創意淮山個樣好似鮮帶子， 加上韓式柚子蜜和黑醋，配上新鮮蔬菜，最好飯前食，可以胃口大開好有日本 feel, 用日本醬油做汁, 福袋餡料是年糕 ，入口煙韌 ，好 QQ 呀蓮花藥膳養生鍋 好似一條龍船， 船頭是一朵含苞蓮花， 船身盛滿了新鮮粟米、紅蘿蔔、猴頭菇、金菇、蕃茄、娃娃菜、牛丸、貢丸 、西蘭花、豆腐、靈芝菇、 素蝦， 有盆滿缽滿的感覺藥膳湯是我喜歡的當歸、杞子、 紅棗， 聞到都已經醒哂侍應幫我們把蓮花放在湯面上蓮花受熱之後會慢慢張開，好似玩魔術，