Schnee German Restaurant (Closed)

本來想去對面新開既食漢堡包，不過見呢到有2人餐又唔洗加一，我地2口子就去呢到食啦～2人餐非常豐富，首先係德國麵包籃伴芝士醬，麵包暖笠笠軟熟，不過有一兩件就比較硬身，配埋個芝士醬好好食~三文魚沙律個醋汁多左少少，酸左d，不過都幾好食~餐湯係薯蓉忌廉湯，啖啖薯仔香味，仲有少少洋蔥味，好飲~之後就係重頭戲主菜非常好食首先黎左龍蝦汁菠菜帶子意粉，見個汁黃黃地唔知咩汁，但係一入口就係濃郁既龍蝦味，每條意粉都沾滿醬汁，每啖都係龍蝦味，而帶子雖然唔係新鮮既，但係用過牛油煮過好香好好食~而豬手真心好好食，皮脆到卜卜聲，而入面既肉係好冧身一d都唔un,一梳梳既肉絲咸咸地好入味，無肥位，就算係肥位都煮到好有膠質，食落口一d都唔肥唔膩。仲有酸菜同薯角伴菜，酸菜味道好基本，薯仔蛋面上既粗鹽同香草入晒薯仔入面，非常好食。而且服務非常之好，首先會拎碟豬手出黎問你要唔要切，同埋洗唔洗影相先，影完相就會拎去廚房切件~豬手唔好睇佢好似好大舊咁，其實係骨大，食落口好似食緊西式燒肉咁，正到喊~雖然無甜品，但係包茶或咖啡，叫左杯熱情果汁，好清甜好好味~絕對會反黎再食!!