盈苑

Open Now

Now Closed

有鍾意食嘢嘅朋友真係好啦，大家可以週圍搵嘢食，今日嚟到呢間都比較新淨，應該開咗冇耐嘅，但估唔到嘅係真係好full，由我哋食嗰陣時到我哋走真係全場爆滿，好意頭，希望大家生意keep住好✅✅嗌咗個“知已孖寶”168蚊，即係一路發，叫咗“炸菜火鴨絲炆米”加3個點心，佢地就係“香茜牛肉腸”、“沙爹蒸爽肚”和“金湯小籠包”，腸粉口感柔嫩够Q彈，話明爽肚當然好“爽”啦，沙爹味道恰到好處，小籠包個樣唔算太靚仔，但够大個，够juice，仲想點？“荔枝流心球”係多人推介的，我都覺得好好，勁流沙，外表好吸引，好似真荔枝，有樣又好味。“沙薑豬手粒”嘅粒粒豬手有沙薑味，仲唔够，還有一碟沙薑調味料跟，包你滿意。