Cakebearbear (Closed)

一早已經bookmark咗呢間Carebearbear，終於有機會去呢間cafe食嘢打卡啦😆🍽️黑松露帆立貝意粉鮮甜嘅帆立貝同黑松露嘅獨特味道好夾，意粉嘅軟硬度煮到啱啱好，食落好有彈牙，而且同黑松露醬好夾呀😛🍽️金沙單骨雞翼雞翼沾滿住金黃色嘅鹹蛋黃碎，食落外脆內軟，食落口感好好！金沙鹹蛋黃嘅鹹香同鮮嫩嘅雞肉好夾，唔覺唔覺食完一隻又一隻😝🍽️他他醬吉列魷魚圈呢個魷魚圈嘅份量都好大份，有成8舊呀！魷魚圈炸到好鬆化，食落一啲都唔韌！中間仲有他他醬同沙律，沾滿他他醬更加滋味😜🍰伯爵茶睡眠熊慕絲蛋糕呢間Cakebearbear嘅signature當然係自家製嘅慕絲蛋糕！外型係瞓緊覺bear bear，慕絲蛋糕食落夠晒軟滑，伯爵茶味仲好香濃添🤪🍹千語星晨呢杯飲品夠晒七彩繽紛！千語星晨係用菠蘿汁、橙汁、同蝶豆花整出嚟，仲會有隻藍色冰做嘅熊仔放係最頂，飲落唔會好甜😎🍹富士山下呢杯識發光嘅富士山下好靚呀！用咗荔枝、藍桔、寒天、梳打同忌廉整嫁！飲落好fresh！面頭仲有隻用冰整嘅粉紅色熊仔，夠哂吸引🤩