犇之食堂 (Closed)

經開銅鑼灣突然好想食牛肉麵，搵到呢間幾多好評嘅入去試一試，門面睇落幾靚仔，入到去好有台灣cafe個種感覺，見到餐牌上面嘅紅燒牛肉麵有個辣椒標記，都有少少驚太辣食唔到，但都叫咗嚟試下。紅燒牛肉麵$78蜂蜜柚子茶+$5麵到緊係試一啖湯先，估唔到佢幾香濃，一啲都唔辣，麵質扁身有咬口有驚喜，可能我本身鐘意食牛筋多啲，所以覺得牛肉普通。本來以為蜂蜜柚子茶都係就咁開，估唔到都飲到有台灣茶味，唔錯。值得讚嘅係啲員工好有禮貌仲好細心，我掛住玩電話，每次放低嘢都會提醒，好小心咁放係我面前，同埋環境真係幾靚幾舒服，睇得出裝修花咗唔少心思。