名館 (Closed)

銅鑼灣今日周圍都超級多人，想搵個唔洗點等位又坐得舒服既地方食lunch，於是就黎左希慎。餐廳位處希慎廣場14樓，搭𨋢上去有點轉折，餐廳被落地大玻璃包圍，光猛開揚。下午2點幾去到，有8折優惠又唔洗排隊，非常幸運 我地被安排坐到一張面對大落地玻璃既bar枱。望住成個銅鑼灣，有點大地在我腳下既感覺。兩個人食，我同呀媽。我地叫左個麵，炸鮮奶，春卷，蒸餃，黑毛豬粽。後來加上小籠包。麵 - 好食，湯夠熱，豬腩肉亦唔鞋唔硬，成碗麵都好唔錯。炸鮮奶 - 好熱，岩岩炸起我比入面既鮮奶辣到少少，食果時要小心。都算好食，但我覺得油左d。春卷 - 好食，但同一般春卷包法有點唔同，頭尾係開口。食落唔油膩，好食。蒸餃 - 好食。黑毛豬粽 - 好好食但食到入面發現有少少生米，好可惜。侍應好好，好快咁同我地講可以幫我地cancel個粽，於是我地叫多個小籠包。小籠包 - 味道ok，可惜包皮好脆弱，好易破，食果陣要超級小心。食物質素好，份量又好夠，服務又好好。呢個價錢我覺得幾食得過。