放下素 (Closed)

受到社會影響終於停下來， 想清靜下腦袋， 放下素有一個巨型乾果櫃 就連橙片也可以風乾， 對我來說十分有趣所以揀嚟呢度食飯。一早睇咗價錢和進食時間 ，挑戰75分鐘進食時間係最大考慮嘅因素， 一入座起唔可以浪費時間同食物打卡， 一定要分秒必爭把食物送入嘴巴。入座時解釋， 餐具只有一套循環用該套餐具出去拎食物， 當然有需要也可以問職員拎餐具。 時間緊拙 唔講咁多，去拎嘢食。食物種類唔算太多但可以足夠食飽飽， 而我最後只係8成飽已經到交枱時間， 雖然最後職員話有走棧位，但我哋唔好意思坐喺度超時食， 同埋已經食完甜品成個程序完成，冇理由返轉頭食鹹點。 所以75分鐘決對於我嚟講係一種挑戰。素食的食物質素來說， 屬於中高位， 主要成分是蔬菜類，並不是豆製品， 所以我覺得好有心思。 仲照顧到有頭盤 冰凍秋葵， 至結尾熱盤糖水及壽包、 凍盤水果。