Video
Read full review
2019-08-04
1421 views
搵食貼士: 1230前都好多位揀，1300有8成滿。部門即慶午宴或三五知己即慶飯局，想有個grand grand 地，又靜靜地的地方，就可以考慮呢到。見係新餐廳，又係酒吧格局，本來唔抱大希望。點知入到去地方出奇地整潔，又無煙味，坐位舒適，如果你好懷念怡東雙城吧，呢到可以係一個好選擇。食物水準中上,叫咗個Set Lunch,係腸仔薯蓉。以為都係hea嘢，點知。。。腸仔皮又薄又脆，仲要啲肉唔係梅嘅，正! 到個薯蓉，以為係開粉即成嘅方式，點知，係真。薯。蓉。有薯仔味，又creamy. 正到呢！個餐飲，我叫咗檸檬茶，啲檸檬好新鮮，唔係又乾又苦嗰啲，茶底正常嘅。未食完已經忍唔住whatsapp俾同事，話佢地知搵到好嘢!美中不足嘅係前菜個湯，係西蘭花忌廉湯，有啲稀，但係諗吓，十隻手指有長短，再望吓個價錢，都係唔好太要求高啦！最後仲要讚吓侍應，招呼好好，唔係十問九唔應嗰啲!
部門即慶午宴或三五知己即慶飯局，想有個grand grand 地，又靜靜地的地方，就可以考慮呢到。
見係新餐廳，又係酒吧格局，本來唔抱大希望。點知入到去地方出奇地整潔，又無煙味，坐位舒適，如果你好懷念怡東雙城吧，呢到可以係一個好選擇。
食物水準中上,叫咗個Set Lunch,係腸仔薯蓉。以為都係hea嘢，點知。。。腸仔皮又薄又脆，仲要啲肉唔係梅嘅，正! 到個薯蓉，以為係開粉即成嘅方式，點知，係真。薯。蓉。有薯仔味，又creamy. 正到呢！個餐飲，我叫咗檸檬茶，啲檸檬好新鮮，唔係又乾又苦嗰啲，茶底正常嘅。未食完已經忍唔住whatsapp俾同事，話佢地知搵到好嘢!
美中不足嘅係前菜個湯，係西蘭花忌廉湯，有啲稀，但係諗吓，十隻手指有長短，再望吓個價錢，都係唔好太要求高啦！
最後仲要讚吓侍應，招呼好好，唔係十問九唔應嗰啲!
凍檸茶
62 views
0 likes
0 comments
腸仔薯蓉
86 views
0 likes
0 comments
Post
