南華軒

Open Now

Now Closed

今晚朋友介紹食「好中」菜，位置唔算就腳，但野食好食，咩都抵返晒😋而且難得中菜都可以靜靜地咁食～懷舊蝦多士呢個多士炸得好鬆脆，而蝦膠新鮮彈牙，比例係蝦膠2 : 多士1 ，大大啖蝦膠👍🏻中式牛柳啖啖肉既牛柳，肉質有牛肉味，味道適中，空口食都無問題。重點唔係用鬆肉粉醃都無晒味既牛柳。黃金吊炸雞呢個係強烈推介，呢個炸子雞外皮香脆，皮肉中間有少少雞油，雞肉就嫩滑。有油香又啖啖肉，重有外脆口感👍🏻臘味蒸飯天氣涼所以叫左呢個臘味蒸飯，唔似外面食既煲仔飯咁有飯焦，但呢個飯吸收晒臘味既香味，油分又滲透係飯度，而蒸飯食返粒粒白米飯。拍蒜唐生菜呢個唐生菜師傅整得勁爽脆，咬落去都有口感，而且重蒜香，但味道較重，所以送飯一流。