豐膳西餐廳 (Closed)

屋企隻”肥牛“想睇戲，但星期日難買飛，所以決定去九龍灣國際展貿中心嘅星影匯睇睇，好彩買倒22:00票，但五點幾時間尚早，原本諗住去尖沙咀行一陣再返黎睇戲，點知忽然狂風暴雨，唯有留喺商場睇下有乜節目，見有間叫“豐膳”嘅自助餐餐廳，晚餐係18:30-21:30 星期日每位328元，e-Max會員有85折，又可以坐到21:30，於是決定試一試。未到18:30，員工已安排入座先攞野飲，但食物就要夠鐘先可以出去攞，雖然星期日，但客人唔多，可能同網上食評一般有關。繞場一周，見食物種類唔算多，但亦唔算少，刺身、蟹腳，壽司、沙律、冷盆、小食、熟食、燒牛肉、燒羊架，甜品、糖水、朱古力噴泉、生果，Dryes雪糕，仲有果汁咖啡汽水啤酒任飲。由於我唔食生冷食物，所以冇食刺身，”肥牛“話三文魚都算肥美新鮮，蟹腳都有蟹味，至於我就鐘意佢嘅燒牛肉同燒羊架，燒至半生熟剛好，肉質柔軟，但羊羶味就冇乜，個人比較鐘意羶味重啲，至於其他熟食質素就一般，甜品全都迷你size，可以試多幾種，馬卡龍做到手指頭禁迷你，好可愛！另一方面，員工亦好有禮貌，如果係想坐得舒服又想靜靜地同朋友或伴侶一齊食餐飯傾下偈，呢度都係唔錯嘅選擇喔！（本