Video
Read full review
2019-04-26
1329 views
數數手指，係IFC食野既次數確係五隻手指數得哂，價格固然係一個原因之一，但偶爾都要獎勵下自己又或者同另一半食餐好既，今次揀左呢間中菜館。環境位置比較特別，係位於一間賣名牌既店舖入面，所以一開頭都搵唔到間餐廳，一入去就有酒吧位置，餐廳格局似西餐廳，仲有户外座位對住海景，氣氛一流。餐牌選擇十分多，都有套餐可選，價格固然不便宜，但既然到訪就揀自己想食既。椒鹽豆腐 $88簡單但好考師傅功架既一道菜式，豆腐咁易爛既食材要沾上生粉去炸，油溫、時間都要控制得好好。份量適中，每粒大小均稱，外層酥脆，沾附少少既椒鹽調味岩岩好，內裡豆腐嫩滑，做頭盤小吃很不錯！招牌花膠滋補養生鍋(1-2人份) $298呢個係1-2人份，用上等花膠、蟲草花、杞子、紅棗、乾螺頭、准山、桂圓、豬骨等等多種材料用慢火熬足12小時，標明無加味精。店員會幫忙分湯，十分足料，飲落好清甜，湯頭因花膠膠質增添濃稠度，但又唔會漿口，口感舒服，花膠亦夠大塊，會吸取返湯汁，有咬口。除左1-2人份，亦有多人份$888。蜜汁黑豚肉叉燒 $198/例食fusion既中菜餐廳，食豬肉的話大多都會選用黑毛豬，呢到亦不例外，選用來自加拿大既黑毛豬，上枱仲會用
環境
位置比較特別，係位於一間賣名牌既店舖入面，所以一開頭都搵唔到間餐廳，一入去就有酒吧位置，餐廳格局似西餐廳，仲有户外座位對住海景，氣氛一流。
餐牌
選擇十分多，都有套餐可選，價格固然不便宜，但既然到訪就揀自己想食既。
椒鹽豆腐 $88
椒鹽豆腐
$88
22 views
0 likes
0 comments
簡單但好考師傅功架既一道菜式，豆腐咁易爛既食材要沾上生粉去炸，油溫、時間都要控制得好好。份量適中，每粒大小均稱，外層酥脆，沾附少少既椒鹽調味岩岩好，內裡豆腐嫩滑，做頭盤小吃很不錯！
招牌花膠滋補養生鍋(1-2人份) $298
招牌花膠滋補養生鍋
$298
46 views
0 likes
0 comments
呢個係1-2人份，用上等花膠、蟲草花、杞子、紅棗、乾螺頭、准山、桂圓、豬骨等等多種材料用慢火熬足12小時，標明無加味精。店員會幫忙分湯，十分足料，飲落好清甜，湯頭因花膠膠質增添濃稠度，但又唔會漿口，口感舒服，花膠亦夠大塊，會吸取返湯汁，有咬口。除左1-2人份，亦有多人份$888。
蜜汁黑豚肉叉燒 $198/例
蜜汁黑豚肉叉燒
$198
79 views
0 likes
0 comments
食fusion既中菜餐廳，食豬肉的話大多都會選用黑毛豬，呢到亦不例外，選用來自加拿大既黑毛豬，上枱仲會用火挫住，叉燒橫切面好靚，用半肥瘦部位，瘦肉軟腍配上少許脂肪，口感一流，加上用火烘住有少許焦香，食落好香口，而醬汁以燒烤醬及海鮮醬為主，甜度剛好，估唔到fusion中菜餐廳既叉燒都做得咁岀色！
香檳金蝦餃 $62
香檳金蝦餃
$62
51 views
0 likes
0 comments
點心類價錢就比較貴少少，只得兩件，呢款香檳金蝦餃玩天然色素，外層粉紅色外皮係以紅菜頭汁製成，皮夠薄，唔會女士們既「厚粉」感覺，內裡既蝦亦夠新鮮彈牙，食落帶點微甜，對得住佢既價格。
流心紫蕃薯 $62
流心紫蕃薯
$62
32 views
0 likes
0 comments
流心紫蕃薯
$62
46 views
0 likes
0 comments
價錢同樣進取，望落外層似咸水角，但同咸水角完全係兩回事，外層用上加入左日本紫薯既糯米粉搓成，而内裡係流心紫薯餡。外層夠酥香，食到中間有點似煎堆既煙韌咬口，最後係爆漿流心紫薯餡，甜度恰到好處，中層煙韌口感為此點心增添不少分數。
秘製龍蝦炒麵 $398
秘製龍蝦炒麵
$398
37 views
0 likes
0 comments
當龍蝦遇上伊麵？錯了！係龍蝦遇上豉油王炒麵，呢個配搭真係第一次食，選用左越南龍蝦，都幾大隻，龍蝦肉唔係炒而係炸，連殼都炸到脆卜卜，火喉控制得好，冇炸到老，肉質依然彈牙，炸過更加香口。而炒麵用左全蛋麵，仲用左瑤柱、蝦米、金華火腿等等材料，食落鑊氣十足，鹹香味夠，仲帶少少辣味，不錯。
太極馬拉糕 $58
打卡馬拉糕！整成一個太極樣，黃色係原味馬拉糕，而黑色係黑芝麻味，都幾大籠，糕身鬆軟，味道幾香，不過略為濕左少少，過腍身，兩者味道分別亦不大。
總括而言，本身見呢間餐廳既評價比較差，但一試過後並不如評價所言，並不是只係食環境，以fusion 中菜餐廳嚟講，創意及食物質素都相當不錯，當然價錢比較昂貴，考慮到佢位於IFC再加對住海景，不難理解價格定位，而論食物賣相及味道再加上環境以及店員服務態度亦十分好，對得起佢既價格，加上佢有酒吧，食fusion中菜加飲酒再加望住靚景，絕對係一件樂事。
Post
