Video
Read full review
2021-12-12
73 views
出左長沙灣送貨，搞掂後就到附近搵食，見到有間香港人冰室，作為香港人梗係要幫襯下。店內不大，七點幾去到約八成滿坐，同朋友坐左呢張大壁紙下的卡位，兩個人坐都幾濶。點了兩份晚餐再加左個羊腩煲，期待中～朋友點左紅豆冰，紅豆不過甜，軟腍得黎有部份又硬硬地，特登咁樣增加口感？幾得意喎。自己點左雪山阿華田，之前去過另一間冰室個雪山阿華田太失望，今次試下呢間得唔得先，個賣相就好得啦。阿華田夠晒濃郁又唔過甜，上面加咗胚芽同五穀粉，多咗陣麥香又有口感，好飲喎。晚餐有例湯送，今晚係紅蘿蔔豬骨湯，好甜好好味，最正係夠晒熱，靚湯熱飲係最正㗎。餐牌寫住羊腩煲送生菜，但我估無晒生菜送左菜心？超大條菜心，仲長過個煲，哈哈，夾硬塞佢落個煲度，吸左羊腩煲啲油好味呀。今晚主角羊腩煲，雖然係一人份細細煲，但都好足料㗎，入面滿晒唔係得啲汁。羊腩有好幾件，無認真數，一人都食左幾件啦。全部大大件，軟腍入味，但皮同脂肪真心正，入口即化。其他配料有冬菇，馬碲，枝竹同筍等，好味好味。唔少得點埋個腐乳醬，靈魂呀～晚餐叫左雞油炒豆苗，好大碟，真係好大碟，自己出去買一斤炒起都無咁大碟！雞油炒夠香口，條條嫩葉好好味，抵叫呀！另一味叫左醬爆尖椒五
店內不大，七點幾去到約八成滿坐，同朋友坐左呢張大壁紙下的卡位，兩個人坐都幾濶。點了兩份晚餐再加左個羊腩煲，期待中～
朋友點左紅豆冰，紅豆不過甜，軟腍得黎有部份又硬硬地，特登咁樣增加口感？幾得意喎。
自己點左雪山阿華田，之前去過另一間冰室個雪山阿華田太失望，今次試下呢間得唔得先，個賣相就好得啦。阿華田夠晒濃郁又唔過甜，上面加咗胚芽同五穀粉，多咗陣麥香又有口感，好飲喎。
晚餐有例湯送，今晚係紅蘿蔔豬骨湯，好甜好好味，最正係夠晒熱，靚湯熱飲係最正㗎。
餐牌寫住羊腩煲送生菜，但我估無晒生菜送左菜心？超大條菜心，仲長過個煲，哈哈，夾硬塞佢落個煲度，吸左羊腩煲啲油好味呀。
今晚主角羊腩煲，雖然係一人份細細煲，但都好足料㗎，入面滿晒唔係得啲汁。
羊腩有好幾件，無認真數，一人都食左幾件啦。全部大大件，軟腍入味，但皮同脂肪真心正，入口即化。其他配料有冬菇，馬碲，枝竹同筍等，好味好味。
唔少得點埋個腐乳醬，靈魂呀～
晚餐叫左雞油炒豆苗，好大碟，真係好大碟，自己出去買一斤炒起都無咁大碟！雞油炒夠香口，條條嫩葉好好味，抵叫呀！
另一味叫左醬爆尖椒五花腩，預期佢會辣辣地原來無，啲椒唔辣嘅，高溫迫哂五花腩啲油出黎，嘅碟好甘香好惹味，超啱下飯。
跟餐有白飯送，叫左咁多餸佢左店家少飯，哈哈，嫌唔夠食可以叫多飯㗎。
兩個人三百幾蚊抵食呀，好好味仲勁飽添，食完暖笠笠好滿足。
Post
