Video
Read full review
2021-11-06
52 views
喺銅鑼灣行嚟行去唔知食乜好，最近又成日食西餐，所以想轉吓口味🥢。經過謝斐道嗰邊，「大澳德發」嘅店員係咁叫人入去試吓，見招呼咁好，又有唔少人食緊，就決定幫襯。餐廳分上下兩層，可坐𨋢或行樓梯去二樓，我哋上咗去二樓，環境唔錯，而且望到街景，感覺開揚👍。佢嘅格局好似茶餐廳，但就一啲都唔逼夾，坐得舒服。佢同其他茶記一樣有提供茶餐同晚飯小菜。不過小菜款式繁多，而且更有好多樣係同海鮮有關🦐。餐牌上嘅每一道菜式都好吸引，當中更有孖寶套餐，我哋嗌咗優惠孖寶D($288)，有豬手同雜菜煲。三弄脆皮豬手(原價$188)，哇哇哇，豬手勁大隻🍖，以依個價錢嚟講性價比極高，佢比起喺西餐廳食平好多，而且味道亦一啲都唔遜色。豬皮整得好脆，咬落卜卜聲，豬手肉就切得夠厚身，而且充滿骨膠原，肉質唔嚡。🐷豬手有經鹽水醃過，所以唔使沾汁食都已經好夠味，鹹度恰到好處。咁大隻豬手我哋又點食得晒呢，所以連骨打包咗，返到屋企仲可以拎去煲湯添。大澳海味雜菜煲(原價$128)，雖然佢係四周圍都有得食嘅雜菜煲，不過就滋味好多🤤。蔬菜菇菌款式豐富，有齊菜芯、白菜、西蘭花、冬菇同埋金菇等。除此之外，佢更配以大量大澳海味，包括蝦乾、蝦米同魷魚，🦑
喺銅鑼灣行嚟行去唔知食乜好，最近又成日食西餐，所以想轉吓口味🥢。經過謝斐道嗰邊，「大澳德發」嘅店員係咁叫人入去試吓，見招呼咁好，又有唔少人食緊，就決定幫襯。
餐廳分上下兩層，可坐𨋢或行樓梯去二樓，我哋上咗去二樓，環境唔錯，而且望到街景，感覺開揚👍。佢嘅格局好似茶餐廳，但就一啲都唔逼夾，坐得舒服。
佢同其他茶記一樣有提供茶餐同晚飯小菜。不過小菜款式繁多，而且更有好多樣係同海鮮有關🦐。餐牌上嘅每一道菜式都好吸引，當中更有孖寶套餐，我哋嗌咗優惠孖寶D($288)，有豬手同雜菜煲。
三弄脆皮豬手
$188
0 views
1 likes
0 comments
三弄脆皮豬手(原價$188)，哇哇哇，豬手勁大隻🍖，以依個價錢嚟講性價比極高，佢比起喺西餐廳食平好多，而且味道亦一啲都唔遜色。豬皮整得好脆，咬落卜卜聲，豬手肉就切得夠厚身，而且充滿骨膠原，肉質唔嚡。🐷豬手有經鹽水醃過，所以唔使沾汁食都已經好夠味，鹹度恰到好處。咁大隻豬手我哋又點食得晒呢，所以連骨打包咗，返到屋企仲可以拎去煲湯添。
大澳海味雜菜煲
$128
12 views
0 likes
0 comments
大澳海味雜菜煲(原價$128)，雖然佢係四周圍都有得食嘅雜菜煲，不過就滋味好多🤤。蔬菜菇菌款式豐富，有齊菜芯、白菜、西蘭花、冬菇同埋金菇等。除此之外，佢更配以大量大澳海味，包括蝦乾、蝦米同魷魚，🦑佢哋鮮味十足，令到個湯好好飲。雜菜煲份量超多，墊底又有粉絲，如果無四個人食都唔使指擬KO得晒。
金磚豆腐拼花枝餅
$108
3 views
0 likes
0 comments
金磚豆腐拼花枝餅($108)，呢個小食可以一次過滿足兩個願望✌🏻，而且兩樣都係香口嘢。金磚豆腐如其名，外皮炸至金黃香脆，皮薄無油膩感，而內裡嘅豆腐就非常滑溜，一啖食晒咁多層口感好正啊。🦑花枝餅有三件，每件面積唔大，不過勝在夠厚，而且用料絕無花假，食得出爽彈花枝肉，但略嫌油份重咗少少。
飲品方面🥤，我哋要咗自家製檸檬薏米水($25)同埋鹹柑桔($25)，兩杯凍飲都OK嘅，大大杯，味道幾清又唔會太甜。
總括嚟講，大澳德發係非一般嘅茶餐廳，我認為佢嘅定位係介乎酒樓同茶記中間，價錢亦然。晚餐嚟呢度可品嚐到水上人家菜，唔使親身去到大澳都食得到🐟。下次我會約多幾個朋友一齊到訪，因為佢啲嘢食咁大份，兩個人真係食唔到幾多囉😆！
Post
