Video
Read full review
2022-08-14
1303 views
朝早要去黃大仙做嘢，搞掂之後順便買啲嘢食返Office。黃大仙中心地庫間烘焙店面積好大，名叫「Culture Bakery文化烘焙」，勁多街坊幫襯，要排隊畀錢😳。小店可以話係非一般嘅烘焙店，因為所賣嘅產品種類超多👍。我買咗一塊薄餅同一個布甸包，食完飽到唔使食晚餐。法式布甸麵包($15)，🍮布甸包係近期炙手可熱嘅人氣食品，越來越多麵包舖有得賣，呢度亦唔例外。不過佢仲有兩款原創口味，包括栗子麻糬同紫米麻糬🌰。但我第一次食，所以就揀咗原味。🥖麵包本身質感都算鬆軟，無法包咁硬，有啲似配咖喱食嗰種農夫包。麵包中間挖空，以放入布甸，布甸味道好正，蛋味濃郁，口感稠密，甜度適中🥚。夏威夷薄餅($35/件)，估唔到小店有Pizza賣🍕，並有多款口味選擇，而且仲有得揀呎吋。呢度嘅薄餅係加大碼，單塊都已經大過我塊面🤣。佢另外亦提供原個訂製服務，12吋或20吋，價錢平過連鎖店。我揀嘅夏威夷口味好足料🌭，有香腸、火腿、菠蘿、粟米同洋蔥等，另外當然唔少得勁量拉絲芝士🧀。餅底自身味道都唔錯，就連Pizza邊我都全部食晒！總括嚟講，我好滿意今日食嘅兩款產品😀，味道有驚喜，價錢亦算大眾化，難怪小店咁受歡迎。遲啲有機會再
朝早要去黃大仙做嘢，搞掂之後順便買啲嘢食返Office。黃大仙中心地庫間烘焙店面積好大，名叫「Culture Bakery文化烘焙」，勁多街坊幫襯，要排隊畀錢😳。
小店可以話係非一般嘅烘焙店，因為所賣嘅產品種類超多👍。我買咗一塊薄餅同一個布甸包，食完飽到唔使食晚餐。
法式布甸麵包
$15
37 views
0 likes
0 comments
但我第一次食，所以就揀咗原味。🥖麵包本身質感都算鬆軟，無法包咁硬，有啲似配咖喱食嗰種農夫包。麵包中間挖空，以放入布甸，布甸味道好正，蛋味濃郁，口感稠密，甜度適中🥚。
夏威夷薄餅
$35
34 views
0 likes
0 comments
夏威夷薄餅($35/件)，估唔到小店有Pizza賣🍕，並有多款口味選擇，而且仲有得揀呎吋。呢度嘅薄餅係加大碼，單塊都已經大過我塊面🤣。佢另外亦提供原個訂製服務，12吋或20吋，價錢平過連鎖店。
我揀嘅夏威夷口味好足料🌭，有香腸、火腿、菠蘿、粟米同洋蔥等，另外當然唔少得勁量拉絲芝士🧀。餅底自身味道都唔錯，就連Pizza邊我都全部食晒！
總括嚟講，我好滿意今日食嘅兩款產品😀，味道有驚喜，價錢亦算大眾化，難怪小店咁受歡迎。遲啲有機會再經過嘅話，我會試埋其他嘢食🍞🍰。
Post
