敏華冰廳 (Closed)

一早就預約左入營，想過非一般新年，唔去拜年，想親親大自然，而且我都好想試吓露營，平凡又簡單，但撞岩呢個肺炎，個個心情都唔好，順便可出嚟散吓心咁。。。😑入營之前，一定醫飽個肚，係堅尼地城走左一圈，又唔多店開，見到又間冰室，好多人係門口等，咪好奇行去睇吓，點知原來個個等菠蘿🍍包出爐，就入去試吓先😋😋裝修以舊式電話做佈置，幾有特式，但服務同食物有進步空間。。。新年期間，服務費加一，但服務就差d😑😑呢間分店，款式選擇不多旺角冰火菠蘿油拼炒滑旦🍳~菠蘿包非常軟綿，面上脆皮好鬆脆，但菠蘿包就凍晒，做唔到冰火效果😑😑,炒旦已經凍晒，而且面層已變左深色，做唔到茶記冰室嗰種快、靚、正。。。Big Men~唔知係咪無晒包，差不多等左半個鐘，但個包嚟到係暖暖地，包又軟，而中間夾左我最愛嘅芝士🧀，炒旦🍳，番茄🍅同午餐肉，夠飽之餘，個包係甜 中間餡料係咸，中和返個甜味,等耐d食到個出爐包都抵😋😋等個包途中，門外都好多人等菠蘿包出爐，所以我更想食個菠蘿包🍍。