健康食品拉麵 (威利大廈)

Open Now

Now Closed

Lunch 時間要去donki買啲嘢，打算喺附近快食。之前朋友講過呢間拉麵係日本人開geh，個名又幾特別，見去開附近所以就去試一試。一拎起餐牌就見到啲拉麵係以蔬菜做主打，即刻嗌個溏心蛋拉麵加菠菜。等咗陣，碗麵終於擺到上枱。佢同一般拉麵鋪真係好唔同，唔會同低擺到靚一靚，重點都唔係塊叉燒/蛋嗰到。但所有嘢食落去geh感覺又真係好似佢鋪頭名咁，點都會有菜味，食落好似好健康咁。講番碗麵先，叉燒唔係話好特別，溏心蛋亦都無話點流心，麵質咬落去都係正常。之不過佢個湯底飲落去係舒服，唔會涸喉要係咁飲水，有一種清清哋geh感覺。食完都覺得可以下次再嚟食。如果你係追求湯底要好夠味，叉燒要燒得好靚，麵質要彈牙/ 麵香要足夠，呢到就未必啱你。但想有一個非一般拉麵geh感覺，值得嚟呢到試一試。