Video
Read full review
2023-03-27
242 views
上星期六雖然落暴雨，但好彩係去《淡路》食omakase。事關我一食完行出門口即刻落暴雨，諗住今次奶野啦。點知餐廳職員即刻俾左把遮我，仲叫我唔使還😲原來餐廳好細心咁特別準備左啲遮俾客人以防不時之需。真係好sweet🥰可以話係野食同service都十分出色👍🏻餐廳取名位於日本西部既島嶼淡路島，裝修都係木系為主。一行入去見到bar枱位置，大概有9個座位。另外有3間房，每間可以坐4個人，亦可合併成為一間大房，坐到12人左右。當日係食午餐，而午餐其實得1個omakase set架啫。就係$980有14品既omakase set。由於餐廳要準備食材，記得要起碼1日前book位呀。如果直接walk in既話凈係可以嗌個$680 9件壽司既omakase set。《竹》$980前菜2款、刺身2款、煮物、天婦羅、5件手握壽司、海膽丼、湯、水果✨✨✨✨玉子豆腐選用嫩滑既淡路島雞蛋，鋪上白飯魚bb。味道比較淡，作為前菜十分適合。✨目一鯛配水雲目一鯛係香港好少見，係我第一次食呢款魚。魚身較實淨，味道清爽，有魚肉既甜味。配埋滑捊捊既水雲，酸酸地好清新。食完前菜就食刺身。當日serve我地既係Simon師傅。真係
餐廳取名位於日本西部既島嶼淡路島，裝修都係木系為主。一行入去見到bar枱位置，大概有9個座位。另外有3間房，每間可以坐4個人，亦可合併成為一間大房，坐到12人左右。
當日係食午餐，而午餐其實得1個omakase set架啫。就係$980有14品既omakase set。
由於餐廳要準備食材，記得要起碼1日前book位呀。如果直接walk in既話凈係可以嗌個$680 9件壽司既omakase set。
《竹》$980
前菜2款、刺身2款、煮物、天婦羅、5件手握壽司、海膽丼、湯、水果
✨✨✨
✨玉子豆腐
選用嫩滑既淡路島雞蛋，鋪上白飯魚bb。味道比較淡，作為前菜十分適合。
✨目一鯛配水雲
目一鯛係香港好少見，係我第一次食呢款魚。魚身較實淨，味道清爽，有魚肉既甜味。配埋滑捊捊既水雲，酸酸地好清新。
食完前菜就食刺身。當日serve我地既係Simon師傅。真係每道菜都好用心介紹，唔係求其講2句就算。
✨長崎縣平政魚
平政魚既肉質肥嫩，油脂十分平均，介乎油甘魚同鰤魚之間。配微辣蘿蔔苗、四季紅同青檸汁，酸酸地又辣辣地。
✨九洲鮫魚
燒左個魚皮逼返啲油脂出黎。上面係柚子皮，食落香啲。薑花同紫蘇葉可以撈落淡路島既豉油到提升香味。
伴碟仲有淡路島既洋蔥同蘿蔔，一定要試個洋蔥！微微辣但係好甜!
✨東京穴子
即係海鰻。配日本菜心、豆卜同冬菇，撒上山椒粉。海鰻味道清淡得黎帶甜味，肉質細緻。
✨天婦羅
淡路島洋蔥、牛蒡、山菜、瑩光魷魚
天婦羅好脆身，完全唔油
✨淡路島兵庫縣手釣池魚
手釣肉實啲濃味啲。上面係蔥、薑容、柚子皮，搽左有拖羅油脂既豉油夠曬味。
✨真鯛
真鯛鮮美。白身魚本身都會較淡味，配昆布鹽同有獨特既香氣同特殊辣味既山椒葉更可提升個味道。
✨野生吞拿魚醬油漬
醃左10分鐘既醬油，上面係七彩芝麻同燒紫菜。吞拿魚入曬味，好腍身。
✨四國依左木
魚皮燒左香好多。啡色既係淡路島磨碎左炒過既洋蔥，綠色既係柚子胡椒。食落有柚子香氣同埋辣辣地。
✨長崎拖羅
撒上竹炭鹽同芽蔥，上下都有wasabi 。上面係磨左既wasabi，下面係wasabi莖。拖羅口感柔軟，肉質鮮美，入口即溶😋
✨雲丹丼
選用北海道海膽，落左柚子皮同wasabi。
海膽creamy得黎極其鮮甜，真係無得輸👍🏻
✨暖笠笠既湯
✨日本蜜柑
生果都係揀最當造既，真係甜到不得了
Post
