Little Mario's Pizzeria (Life@KCC )

Open Now

Now Closed

餐廳pizza多口味選擇，大路既夏威夷pizza，辣肉腸pizza有，特別既松露口味都有。我地揀左個出面比較少有既口味-印度香料烤雞pizza。小食就柚子蜜糖雞翼。主食仲有個松露卡邦尼意粉。飲品；西柚翡翠茶（熱）,玉桂蘋果伯爵茶（凍）。先講講個pizza，pizza底係鬆軟既，唔係香脆個款，我覺得有D韌唔係好啱食。餡料唔係我想像既濃烈香料味，味道比較淡，最出味既只有辣椒。比較失望。柚子雞翼，6X蚊有八件。抵食。柚子蜜同雞翼配合得非常好。基本上無得輸推介。松露卡邦尼意粉，唔係好覺得有松露味，齋食意粉會比較淡，連埋D鹹既煙肉食就平衡翻個味道唔錯。而且煙肉既量都唔少。西柚翡翠茶好飲。甜甜地，唔會淨係得茶味/水果味推介。有85折，埋單大概三百幾，算抵食。