鱈卵屋 (Closed)

據聞是日本人開嘅鱈卵屋，終於約了朋友來一試。此餐廳有別於其他日式餐廳， 但是看餐牌已經眼花繚亂， 很多食物也很吸引。蘿蔔茸煮蠔豆腐， 估不到湯底十分清甜， 蠔配豆腐清淡得來吃到食材本身的鮮甜，一讚來一客牛油果吞拿辣沙律， 食落一啲都唔辣， 凍凍地嘅頭盤開胃，牛油果配吞拿魚十分滋味， 一啲都唔膩。燒明太三文魚鰭腩，份量小巧， 三文魚十分滑溜， 經過燒之後， 三文魚嘅香味出曬嚟， 燒得剛剛好，入口嫩滑。而且不是太多骨， 食落不會麻煩。牡蠣芝士鐵板， 肥美的廣島蠔配上芝士奶油，又是另一種口感， 濃郁滑溜。 廚師仲精心配上粟米及青瓜條，果然對食材十分細緻！此店人氣No 1 嘅明太子煎蛋, 係必食之選。 厚厚嘅煎蛋包著明太子， 外型就像壽司， 捲起來實實的一點都不鬆散， 而且廚師刀鋒一流， 邊位絕對冇散開。 食落有餘溫， 蛋味厚滑， 加上明太子的爽， 配搭天衣無縫， 吃完一件， 已經迫不及待食第二件這兒還有特飲，叫了薑汁紅粉香檳及蜂蜜檸檬熱飲。愛吃甜品的我， 叫了心太軟，又叫博多番薯糕， 他們十分精巧細件， 如細月餅般小巧， 完全照顧到怕肥的女仔 蕃薯糕幾有特色，軟甜而不膩，味道與真番薯相約這兒