一樂小鍋 (Closed)

🥢話說個friend欠我一個人情，話請我食花膠補數，我當然唔客氣啦！點知原來係食湯麵，好在呢間湯麵都有d特色又幾好食，都好過無啦！～🍜花膠、牛腩、糖心蛋、韮菜、秘製辣汁、米粉（秘製辣汁有麻辣味👍🏻）🍜菜心、花膠、菜肉蒸餃、蕃茄湯、紅菜頭麵，個friend又真係無呃我嘅，真係好鬼大舊花膠，而且係非劣質，完全無腥味，非常黏口，感受到啖啖嘅骨膠原。✏️另外我覺得必吃嘅係自家蒸菜肉餃、糖心蛋、紅菜頭麵、蔬菜🥬類。🔆蒸菜肉餃皮非常滑口，菜同肉比例均勻。🔆蜜糖雞翼 - 甜甜蜜蜜，皮少少脆，ok好味。🔆糖心蛋黃雖然賣相比一般無咁靚而且較細隻，但比平時食嘅更黏蛋香味更濃。🔆我都係第一次食紅菜頭麵，估唔到湯底咁濃蕃茄🍅味，依然都食到紅菜頭獨有嘅味道，感覺好新奇新鮮～🔆見我同個friend點嘅菜心、韮菜都好新鮮嫩口，證明呢間店用料都唔係求其敷洐。