吉野家 (T Town North)

Open Now

Now Closed

相信無乜人會未食過「吉野家」，佢地最近又有新搞作，推出新品 - 🥩鹽燒和牛丼，喜愛牛肉飯🍚嘅我梗係要第一時間試啦。鹽燒和牛丼採用咗M8-M9優質和牛🥩，肉質較普通牛丼更為柔軟多汁，肥瘦度適中，配上生菜絲及紫菜，令丼飯味道更有層次😌；而好消息係鹽燒和牛丼唔係期間限定😍，會常駐係吉野家，咁想幾時食都得啦。另外，吉野家全新早餐及下午茶系列亦隆重登場，更只係低至$20起🤩，除了招牌嘅和風牛肉丼和野菜煎雞丼🍗，仲有新推出嘅「和風牛肉、嫩滑炒蛋配迷你飯/米粉」及「腸仔配嫩滑炒蛋米粉」，夠晒多選擇，總有一款啱你口味😍。咁抵食我又點可以唔嘆返個下午茶呢？加$5仲可以升級套餐，有埋溫泉玉子及鮮嫩時菜🥬，真係大滿足。所有餐都配埋飲品🥤，更可以加錢要特飲，今次就試咗鮮桔乳酸特飲，酸酸甜甜份外解渴。除咗主菜外，吉野家嘅小食亦係我嘅至愛，無論午餐或下午茶，都可以無限追加，追加價仲比之前更便宜，咁梗係要加多幾款，個人最喜歡關東煮，充滿日本風味。