Video
Read full review
2019-06-22
449 views
之前都有聽朋友介紹過呢間小店既晚餐，但未有機會試過。今日咁啱做野過到黎中環附近打開OpenRice睇下有咩食就見到之前bookmark過既The Balcony，咁就打算上黎試一試。不過間鋪都比較難搵，係北京同仁堂隔離條巷仔入面。可能12點早既關係，上到去我係第一個客人，侍應好快埋黎問我有無訂台，如果無訂就要坐露台位因爲入面已經full booking，話出面會有風扇，我心諗三十幾度喎大佬🙄🙄咁當然唔制啦。之後問多句一點前交台有無問題，當然無問題就坐低左喇。因為天氣實在太熱，好鐘意飲湯既我都揀左個頭盤沙律。沙律汁預先同菜撈好左，配埋煙三文魚開胃都唔錯。主菜揀左個咖哩魚柳配牛油飯，可能唔多人好快主菜就上到，咖哩唔算好辣不過好香，我估係有落椰奶，而且食得出有蒜蓉同薑蓉，🤔應該咖哩真係自己炒唔係買現成咖哩粉煮出黎。牛油飯亦有調過味，飯唔會太油，幾好幾好👍🏻👍🏻對於愛咖哩既我的確好有驚喜，唔洗10分鐘隻碟已經可以照鏡😆最後，今日餐甜品係綠茶奶凍，對於唔太好甜品既我就無食到甜品。食飽個陣都見到開始坐滿個場，咁我都飲埋杯橙汁就埋單走人喇。走個陣老闆託員工都行出黎派張卡片比我，叫我有機會帶埋朋友試下
可能12點早既關係，上到去我係第一個客人，侍應好快埋黎問我有無訂台，如果無訂就要坐露台位因爲入面已經full booking，話出面會有風扇，我心諗三十幾度喎大佬🙄🙄咁當然唔制啦。之後問多句一點前交台有無問題，當然無問題就坐低左喇。
煙三文魚薯仔沙律
15 views
0 likes
0 comments
因為天氣實在太熱，好鐘意飲湯既我都揀左個頭盤沙律。沙律汁預先同菜撈好左，配埋煙三文魚開胃都唔錯。
自家製咖哩魚柳配牛油飯
10 views
0 likes
0 comments
主菜揀左個咖哩魚柳配牛油飯，可能唔多人好快主菜就上到，咖哩唔算好辣不過好香，我估係有落椰奶，而且食得出有蒜蓉同薑蓉，🤔應該咖哩真係自己炒唔係買現成咖哩粉煮出黎。牛油飯亦有調過味，飯唔會太油，幾好幾好👍🏻👍🏻對於愛咖哩既我的確好有驚喜，唔洗10分鐘隻碟已經可以照鏡😆
最後，今日餐甜品係綠茶奶凍，對於唔太好甜品既我就無食到甜品。食飽個陣都見到開始坐滿個場，咁我都飲埋杯橙汁就埋單走人喇。走個陣老闆託員工都行出黎派張卡片比我，叫我有機會帶埋朋友試下dinner set😄埋單走人盛惠$150，中環區呢個價錢尚算合理，唔算太貴，可惜平時唔喺中環區返工，如果唔係都可以加入飯堂之一。
Post
