Hakawa Chocolate (Closed)

好耐之前聽過朋友介紹呢間舖頭，趁去開中上環特登去會一會佢。舖頭喺歌賦街嘅角落，唔算起眼。朱古力飲品分75%同100%兩種，本人有少少怕100%太苦，所以揀左75%。飲品沖好之後，老闆仲特登提我話今次隻豆有少少酸。杯朱古力一飲落去果然帶少少酸味，非常綿滑，好香朱古力味，然後先出甜味同回甘。同一般用粉沖嘅朱古力完全唔係同一回事，飲完亦唔會好飽，有啲意猶未盡嘅感覺。真心推介各位喜愛朱古力嘅朋友仔去試一試。