凱悅海南雞專門店 (Renamed) View

經開元朗又想食海南雞飯，見呢間店都幾多人介紹，就入去試下。無骨海南雞飯同老闆傾開計，餐廳自已在內地有相熟的農場，所以可以確保有新鮮的走地雞。文昌雞的肉質偏瘦，但卻保持嫩滑。而且雞味濃，口感比起坊間的海南雞，明顯更加Q彈。配的油飯更加是必點，飯粒分明帶油香，而且加上黃薑粉和其他泰式香料，被我地全部清碟。冇骨鹽水加積鴨飯朋友點了這個飯。本身自己不太喜歡鴨，但食了一片後覺得也很不錯。它完全沒有羶味，淡淡的鴨香，因為用鹽水浸的關係，鴨肉依然保持嫩滑，並不會乾或者韌。蜜糖雞翼雞全翼的size雖不大，但啖啖肉，又有肉汁，塗上蜜汁後，表皮香脆，大人小朋友都喜歡食。附送的紫菜湯想不到都有驚喜，因為用了雞殼去熬湯，所以飲落都鮮味十足，又有滿滿的紫菜。餐廳走大眾化路線，食物的份量多，質素也高，價錢合理，絕對會再光顧。