凱悅海南雞專門店 (Renamed) View

元朗真係美食處處，呢日去咗元朗街坊推薦嘅凱悅海南雞，又係平靚正之選！一人餐($78)非常豐富，有招牌無骨海南雞/鹽水加積鴨、配海南雞油黃薑飯/白飯、上湯時菜一份、小食、冷熱飲品一杯、紫菜湯一碗！餐廳都有二人餐($186)，可選半隻招牌無骨海南雞/鹽水加積鴨、配海南雞油黃薑飯/白飯、小食、冷熱飲品、新鮮即煮靚湯。雖然二人餐非常抵食，但因為我哋想試多啲款，就決定點2個一人餐，試多d野！招牌無骨海南雞呢度嘅雞都係來自店家自設農場，每日新鮮到，所以老闆話每日晚上大概七點前都會賣晒。雞肉肉質結實，雞味香濃，只係簡單配搭薑蓉，食雞本身嘅肉味。雞皮爽彈嫩滑，黃油飯香而不油，水準不錯！鹽水加積鴨份量好多，鴨肉肉質嫩滑，蘸酸汁可解膩。時菜可揀生菜同菜心，上湯係無添加雞湯。小食可以揀蜜糖雞翼或者瓣醬豆腐，蜜糖雞翼炸得香脆，保留肉汁。瓣醬豆腐外脆內嫩，不過唔好蘸太多豆瓣醬，否則味道會太濃呢！套餐仲包冷熱飲品及紫菜湯，好豐富！

位於元朗嘅海悅海南雞專門店，最出名嘅就係無骨海南雞，今次我就同朋友喺元朗試下。一人餐有飯有菜同埋小食，都只係賣緊70幾蚊左右，午餐來講非常抵食呀。招牌無骨海南雞這一間海南雞飯別樹一格，沒有三色醬，只有經鹽水醃製過嘅海南雞。可能雞鮮嫩可口，醃得非常咸香，係少見的海南雞做法。前菜有一個紫菜湯，有肉粒及大量紫菜。上湯時菜（唐生菜）唐生菜非常新鮮，用簡單上湯送上，翡翠色一般非常通透。蜜糖雞翼兩隻蜜糖雞中翼連雞尖，表係有一層蜜糖包裹着，雞翼本身已用鹽水醃得鹹鹹香香的。海南雞由黃薑飯黃薑飯是黃澄澄色，賣相吸引，而且味道鮮甜。鹽水加積鴨鴨肉同樣比較已經有充分調味，不需要另外用醬料，鴨肉口感煙靭可口。上湯時菜（菜心）菜心同樣浸在上湯入面，份量非常多，一個人食就啱啱好。瓣醬豆腐三件豆腐的做法非常出色，能夠將豆腐的鮮嫩包裹係金黃色嘅炸皮下，好有驚喜。如果用埋豆瓣醬，令鮮甜嘅豆腐更有風味。熱杏霜 凍奶茶

🐥呢間海南雞係我朋友開，佢係咁介紹話好好食，所以帶埋我姨甥女去食下！啲海南雞真係好滑，我就咁夾起身都滑lulu ，食雞真係睇鞋唔鞋，唔鞋基本上就有8分好食，跟隨係醃料，叫埋佢出名黃薑飯，凱悦呢間都真係9分！😍大家不妨一試！👍🏻正好食🌟🌟🌟🌟🌟🈵推介🪿無骨鹽水加積鴨飯唔錯，份量夠大碟，鴨肉亦都好嫩口，最精髓係點佢嘅酸汁，加埋一齊食，非常之絕配！好食🌟🌟🌟🌟🌟另送紫菜湯冇味精，紫菜亦都好多！配黃薑飯，非常之解膩！好食🌟🌟🌟🌟可配 白飯/黃薑飯，奉送 紫菜湯口水雞醬 加＄5，冷熱飲品加＄5可樂加＄10，檸樂加＄12.椰汁紅豆冰 加＄12可加配 上湯時菜 加＄12可選配米線/ 河粉/米粉湯底：鮮雞湯底/ 麻辣鮮茄濃湯回頭率🈵🈵🈵🈵🈵‼️P.S.仲要一題每日供應海南雞數量有限，大概7:00就會賣晒😋‼️🚃輕鐵大堂站步行4分鐘到🪑目測坐位20人左右🛍️有外賣軟件提供==================無骨海南雞飯 $60跟紫菜湯椰汁紅豆冰 加$12無骨鹽水加積鴨飯 $60跟紫菜湯凍檸茶 加$5================$137/2人,每人$68.5

⭐️評分：4.5/5-其貌不揚，但好有驚喜！食物高質好味，用心製作，迎來港人口味改造，有住家飯的感覺。兩人餐只須$186，但份量多好滿足！😍-✳️招牌無骨海南雞 （半隻）👍👍👍肉質滑溜幼嫩，雞皮輕薄無油膩感👍醃料入味，調味剛好帶出雞的鮮香味，可按個人愛好，加特製酸汁或足料薑蔥醬，個人更愛吃原味，品嚐咸家的滑溜和雞香，無骨版更是啖啖雞肉-✳️新鮮即煮靚湯| 時菜鯇魚豆腐湯👍👍下單即煮靚湯，以新鮮雞骨烹煮湯底，煎香鯇魚加入，進一步加強湯底的奶白色，鮮香味出眾，豆腐是板豆腐相對地用濃的豆味，個人更愛滑豆腐🤫整體濃厚，味道較濃咸香，鮮味足，老闆解釋更是無味精-✳️小食| 口水雞醬拍青瓜 👍👍夏日炎炎清爽之選，保留青瓜的爽口感，加上濃郁口水雞醬，口味豐富，不會過於單調，更可帶來清新感-✳️海南雞油黃薑飯 👍黃薑粉有助消炎😍有少量雞味，整體偏硬身，可以先放一口飯，放上一塊雞一拼吃更出色！將油味更滲入飯中，如果油飯再下更多雞油會更香更濕潤（雖然更邪惡😳）-✳️薑咸柑桔梳打👍👍👍夏日必選，可選少甜，陣陣咸柑桔香味，咸、甜、酸味融合，加上充滿爽口汽泡的梳打水，非常好解除悶熱！--⭐味道 4.5/5⭐️特色 4/5⭐️環

元朗出名好多好味嘅小店。最近就去咗呢間位於教育路，食海南雞飯嘅店舖，凱悅美食坊。呢間係海南雞專門店，佢哋自設農場，D雞係每日新鮮運到。今次我同朋友每人都叫咗一人餐。食物包括有：⭐️主食： 招牌無骨海南雞/鹽水加積鴨 配 海南雞油黃薑飯/絲苗白飯⭐️上湯時菜1份：菜心/唐生菜⭐️小食 ：蜜糖雞翼2隻/瓣醬豆腐3件⭐️奉送 冷熱飲品1杯海南雞同鴨肉嘅肉質都好嫩，好爽滑，皮薄，唔會好肥，好味👍瓣醬豆腐外皮炸得好脆，剛剛好，外脆內軟，好味👍一人餐價錢係$78。呢個價錢有咁多嘢食，真係超抵！性價比好高！下次都會再去幫襯。

放工唔知食咩好，近近哋去咗凱悅，諗住食佢個海南雞同鹽水鴨。大約八點鐘左右嚟到，店內坐滿人，見仲有一張圓枱拿拿林即刻坐低落單先，點知鴨賣曬，黃飯亦賣曬，店員話得返海南雞😂⭐無骨海南雞既然得返一款咁就唔使揀啦，同家人都係要咗無骨海南雞，一份跟米線，另一份跟河粉，湯底就要咗原味嘅雞湯。雞件已去骨食得方便，雞肉嫩滑鮮味，雞皮下亦都唔肥，呢間雞真係好好食🤤點埋個薑蔥蓉同白醋就更正🤤🤤河粉同米線都大大碗，湯底都好先甜㗎，家人次次都飲曬碗湯。⭐凍檸茶 & ⭐凍杏霜另外仲加咗凍飲，一杯凍檸茶走甜同一杯凍杏霜，大大杯夠冰涼，啱曬咁熱嘅天氣飲。店員話想多啲款式揀，下次要早啲嚟啦，夜晚通常咩都買曬㗎😌

家常便飯，搵到呢間平靚正海南雞飯主打無骨海南雞/鹽水加積鴨，去骨最岩我呢啲懶人😅雖然至抵食二人套餐 $186 係大份夾抵食，但又想食多款小食&試埋個鴨，叫超值一人餐一樣滿足到我超值一人餐 $78 主食： 招牌無骨海南雞/鹽水加積鴨時菜： 上湯菜心/唐生菜小食： 蜜糖雞翼2隻/瓣醬豆腐3件配海南雞油黃薑飯/絲苗白飯 ✳️奉送冷熱飲品一杯，紫菜湯經海鹽醃製過既海南雞好滑溜，鮮嫩，有雞味，輕輕點伴碟既薑蓉或唔點，好滋味黃薑飯軟硬適中，唔油膩，幾健康咁鹽水加積鴨鴨味濃，冇酥味，唔咸之餘味道剛好點埋酸辣汁更惹味一路食，都覺得佢地舖個層肉，好厚身，食極都仲有餸菜心/生菜新鮮幾鮮甜，份量多，用上湯煮的🔸蜜糖雞翼係雞全翼，灑上芝麻，幾香，蜜糖甜度適中🔸瓣醬豆腐外脆內軟，豆腐好滑，咬開有汁唔乾，點埋微辣豆瓣醬，唔錯紫菜湯唔係味精湯，裡面有好多紫菜，有肉碎斬埋料返屋企人分享，佢地都話滑溜好入味

好少可入元朗，都唔知有咩好食，入去做嘢見肚餓就隨便入咗間小店食海南雞見到佢嘅一人餐好抵，有湯、海南雞飯、菜、小食、飲品，5樣加埋都只係$78😱，份量仲好足夠，配埋黃薑飯真係好有誠意，海南雞已去骨啖啖肉，肉質非常嫩滑，無嘢可挑剔👍🏻👍🏻👍🏻小食方面可以揀雞翼或者豆腐，我揀咗蜜糖雞翼，甜甜地嘅外層同海南雞比較真係別有一番風味😋菜都可以揀菜心或生菜，一人餐都有咁多選擇，性價比非常高❤️各位元朗街坊多d幫襯啦🥳🥳

💫招牌無骨海南雞配海南雞油黃薑飯最中意食佢地既招牌海南雞飯, 肉質鮮嫩, 醃得非常夠咸香, 雞件靚到反哂光, 最細心係去埋骨, 份量又多, 正👍💫鹽水加積鴨配絲苗白飯鴨肉已經有充分調味, 口感煙靭可口☺️💫時菜上湯時菜1份（菜心/唐生菜）菜心同唐生菜好新鮮, 都煮得淋身, 而且又甜😬💫蜜糖雞翼2隻好有驚喜既蜜糖雞翼, 望落似一般鹵水雞翼, 但食落去 甜甜的, 另一番風味😍💫瓣醬豆腐3件呢個炸豆腐炸到外脆內軟熟, 豆腐勁滑, 點埋豆瓣醬, 超正👍🥤椰汁紅豆冰好香滑, 勁多紅豆係底, 絕不欺場😆🥤生薑柑桔梳打好解渴, 消暑一流

超鍾意食海南雞，成日不停周圍試下。朋友知道後，就同我去試呢間小店，估唔到啲雞超有水準😍😍令人喜岀望外。✨無骨海南雞河粉✨ $60✨無骨海南雞米線✨ $60他們的雞份量不少，而且真的又滑又嫩，雞味濃郁。皮薄且肉質細嫩，細問之下才知道原來他們自設農場，每日新鮮到港，質素非常之有保證。搭配的酸甜汁，恰到好處，十分惹味。湯底非常鮮甜，原來用的是鮮雞湯底，河分及米線的份量非常之大碗，食完有滿滿飽足感。隨餐附送的紫菜湯，有濃濃雞味，想必用雞熬製而成。啖啖清甜，而且沒有味精，非常高質。✨蜂蜜生薑茶✨（跟餐加$5）呢排喉嚨有啲唔舒服，見到呢個特飲，覺得簡直為我以設😍。生薑切絲，非常足料，整杯飲落暖胃又舒服，必推❗️店舖不大，但客人及外賣的人流駱驛不絕，編想睇更多介紹，馬上Follow我啦😁。#big_big_foodie #big_big_foodie食勻元朗

元朗人一定知道呢間海南雞飯餐廳, 而家佢哋仲有一個超值一人套餐🤩⭐️$78有飯有湯有菜有小食連埋嘢飲🍹，呢個價錢真係冇得輸👍🏻👍🏻👍🏻份量又多味道又好， 啲🐣雞又滑，🦆鴨肉又嫩， 佢哋嘅油飯又香又煙韌😋 小食都好好食㗎佢哋個瓣醬豆腐同埋蜜糖雞翼， 餐湯就有紫菜湯好好飲🙌🏻呢個價錢仲要包埋嘢飲真係好抵，鍾意食海南雞飯嘅朋友真係唔可以錯過， 佢哋個鹽水鴨肉飯都好好食㗎🥳一個人食真係夠晒飽🙌🏻

我好鍾意食海南雞飯, 因為真係鍾意食滑LU LU的海南雞和油飯, 最近搬到元朗返工便上來搜尋邊度有好食的海南雞飯就發現凱悅呢間大部分食評都讚海南雞又滑又有雞味! 但放工到訪試下係咪真係咁滑咁好食!選了無骨海南雞飯, 奉送紫菜湯 + $5凍飲, 飯我叫多飯, OK都算多, 試雞的第一口, 嘩........ 咁鞋? 咁都要滑? 唔係下化? 第二件又第三件都係差不多感, 終於食到中間位置的雞才感覺到滑, 滑咗2-3件去到邊位部分又鞋返...... 其實真係要實察才知道事實囉! 根本不是食評中講到咁誇張個個都講到D雞好滑好香, 係有幾件滑的, 但不是全部囉! D黃薑飯算多有椰香, 但我覺得好乾好散, 至於個紫菜湯真係不值一提, 勁味精好咸! 正常食海南雞的店舖個湯係雞骨湯囉! 因為去晒D骨不浪費拿去煲湯嘛! 但呢間竟然畀味精紫菜湯....店餔細小普通茶記裝修, 呢餐收費共$65, 正常價錢, 但失望的是唔係食評中咁好評的滑LU LU 海南雞囉!

👉🏼無骨海南雞飯 $60招牌嘅無骨海南雞飯見到每櫈都會叫，雞肉超級滑🤪，仲要冇骨啱晒我呢啲懶人。飯可以揀白飯或者黃薑飯，我就叫左黃薑飯，黃薑飯好惹味😍，食到最後都冇覺得太油👍🏻👉🏼無骨鹽水加積鴨飯 $60雖然話係鹽水加積，但係鴨食落唔會好咸，亦都唔會好鞋😆上面兩個飯都會跟紫菜湯，食完黃薑飯飲碗清清地嘅紫菜湯都幾舒服😚👉🏼瓣醬豆腐 $35呢個炸豆腐好似台灣夜市既臭豆腐咁🥰，豆腐外皮炸得脆，同時又保留到入邊濕潤，同埋份量都多，啱晒大家share食。另外，我哋叫咗兩杯特飲，分別係👉🏼紅豆冰同埋👉🏼生薑柑桔蜜，紅豆冰嘅椰汁超濃味，粒粒紅豆🫘都唔少，而生薑柑桔蜜潤得黎唔會好甜，食完呢餐超滿足😌

近元朗劇院 有間 專食海南雞、鴨 踏入六點後 餐廳已經滿座🙌🏻元朗咁多餐廳 仍然屹立不倒相信係嫩滑嘅雞鴨 加上無味精嘅 養生湯👍🏻叫左個 2人套餐$186😻1.招牌無骨海南雞 或 鹽水加精鴨（半隻）叫左 半隻 無骨海南雞海南雞真係好 嫩滑！老細好用心，斬開啲骨冇骨嘅，啱晒我哋呢啲 懶Lur骨2.新鮮即煮靚湯（4選1)時菜院魚豆腐湯/枸杞豬潤瘦肉湯咸菜枝竹豬肚湯/蟲草花冬瓜雜燴湯叫左 枸杞豬潤瘦肉湯呢個湯食落勁鮮甜一開頭真係以為落味精問聲老闆 原來係鮮雞湯呢個配搭 仲明目，養肝，補血！ 老闆全部湯都唔落味精～仲要二人餐都咁大碗，每人都飲到三個碗淨係個湯都抵返晒3.小食（6選1)口水雞醬拍青瓜/瓣醬豆腐黑椒雞扒/香茅猪扒蜜糖雞翼/蜜糖雞球叫咗 受歡迎嘅 瓣醬豆腐豆腐外脆內軟～加埋豆瓣醬 好配 一流4. 海南雞油黃薑飯/絲苗白飯(2碗）黃薑飯 放上枱已經散發淡淡嘅薑香入口有雞味、牛油香味

海南雞飯應該算係受香港人歡迎嘅菜式之一，而今日試嘅依間凱悅海南雞專門店，性價比超高！無骨海南雞飯$60好食嘅海南雞飯除左要雞肉嫩口軟滑，仲要肥瘦比例恰到好處。太瘦雞肉又會口感欠佳，太肥又會過分油膩。而依次嘅無骨海南雞飯就做到肥瘦得宜，配埋黃薑飯香味濃郁。無骨鹽水加積鴨飯$60平時食鴨最怕就係鴨肉乾身。但係依次食嘅加積鴨可以話係食過最嫩口嘅鴨！鴨肉用鹽水入味，食落又唔鞋口，而且十分足料！海南雞油黃薑飯/絲苗白飯(2碗）黃薑飯喺烹煮過程加入左牛油調味，食落有啖啖油香米香，配合雞肉鴨肉令人食指大動！