中環茶記 (Closed)

平日就好少去茶記，因為茶記比人感覺好似係老同舊啲，但潮流興復古，中環有間茶記唔舊不但止，裝修仲好復古，比大家可以重溫舊式茶記既情懷👏👏未見其舖，遠遠已見門口大大塊霓虹燈招牌，上面仲有大大隻金色一龍一鳳襯托，已經好懷舊。入面裝修亦跟足六十年代茶餐廳，紅白格磁磚既牆、木色既桌椅。但呢到賣既食品就一啲都唔老套，有傳統常餐、雞骴沙律紅豆冰、鐵板扒餐、三文治多士同咖哩等等，亦有注入新元素，有日韓菜式，選擇比一般茶餐廳更豐富👍🏾👍🏾今日試左個特別既野，就係呢到既主打，沙嗲牛肉菠蘿包。沙嗲牛肉同菠蘿包都係我至愛，但究竟佢地可以擦出咩火花呢？個包比起麵包舖果啲大1倍，而且漲卜卜，金黃色好吸引，包中間劃左個口，塞滿沙嗲牛肉。食落去先係會食到濃味既沙嗲汁，後面先會食到菠蘿包既甜，兩者互有特色，又幾夾🤤呢個時候點可以唔叫杯港式奶茶先!比起珍珠奶茶果啲，港式奶茶更可以飲到茶底既甘香，呢種味道只可以係正宗既茶餐廳先飲到！呢到既奶茶茶底咁香，入口醇滑，very nice👍🏾👍🏾另外仲叫左呢到既特別推介，海南雞、無骨豬手雙拼飯。由於兩樣都好吸引，why not both😂平時去茶記食雞飯，頂多得五、六塊雞肉，但呢到