Video
Read full review
2014-05-10
3058 views
最近在公仔箱冇意中睇左一個介紹樓上舖的節目，見到一班主持人介紹了一間新潮創意齋舖，好奇心的駆使下就去試下，我們一行四人諗住穩陣一點，於是叫左節目主持人介紹過的餸菜（1）豬腳薑：香濃的甜醋加上扮豬腳的菇，真的好特別，甜酸的比例剛剛恰到好處，好有驚喜呢！（2）水煮魚：唔係太食辣的我都食到，好香的麻辣味，用的材料好豐富，用左有好幾款唔同種類的菇菌，一耳、豆腐、芽菜、紅薯粉和一些我唔知叫什名字的素料等等....!香香麻麻又野味，材料足兼且有咬口（3）三色骨拼盆：從外表看應該是生炒骨、沙拉骨和椒炎骨，食落發現生炒骨用蓮偶做，沙拉骨用腐竹做，椒炎骨就用豆腐做，好有創意呢！此拼盆不單賣相靚，在未食之前已經加曬分，而且三款的味道都非常獨特，叫一碟餸可以嘗到三款獨立𣎴同的味道，認真化算呢！特別一讚的是椒炎骨，它的豆腐炸到外皮硊，內裡超嫩又滑，西利！（4）擔擔麵：好香濃的湯底，食到有濃濃的花生、麻醬和南乳味，麵質都ok,好岩鍾意濃味的我，係我食過的擔擔麵當中最野味的一款了！（5）上湯浸菜芯：它們用的菜芯出奇的鮮嫩，清清淡淡得來又好嫩口！睇來這間齋舖的老闆一定是個做事認真又有要求的人！說實在的，我們大家都覺
說實在的，我們大家都覺得這裡的廚師真係好有心思和創意去煮齋菜！哈哈....尤其是頭果三款（豬腳薑、水煮魚、三色骨拼盆）菜式，咁都比佢地諗得到？好野！！
最後當然係不能決少的飯後甜品，我們選了＂鮮製豆腐花＂：用一個小木桶盛著，見到熱騰騰的蒸氣不斷地散發著，加上桂花糖一起食，香甜而不溜，食落仲有好大陣濃郁的豆味！非常滿意的飯後甜品，食完好有滿足感！
在印象中的傳統齋舖，一般都係油油膩膩，材料唔係用芋頭扮魚就係用麵筋扮肉，賣相不單千篇一律好普通，味道更是沒有新意！睇來經過今次食完＂東后齋＂的經驗後，我對以後食齋的觀念會有大大的改變，哈哈......原來齋除了食得健康之外，還可以食到平時食肉的感覺！
相信這間＂東后齋＂會是我們以後常來開飯的食府了！
我其中一個頗為吋嘴的朋友仲話：＂上得電視，應該有番咁上下水準嘅！如果唔係電視做勿專登介紹佢呢？滿意有物咁出奇...？＂
Wahaha........另一個朋友則回應說："你講得好有point! 只係點都估唔到今次的滿意情度係爆曬燈啫！"
Other Info. :
餐廳的裝潢佈置好典雅和舒服，仲有一間VIP房，適合壽宴之類的活動
(The above review is the personal opinion of a user which does not represent OpenRice's point of view.)
Post