Video
Read full review
2017-06-19
51 views
好多人鍾意食西餐，扮西人，但我卻特別鍾意香港的本土粉麵美食，大大聲話比大家知，我就係hong kong girl怎樣了？之前食過一次村爺爺，留低幾好印象，今日趁去做facial之前又黎食先。呢度食野要喺出面點左叫左先，再搵位坐，姐姐會睇住有冇位先整，唔會有野食出左而無位坐的。原諒我比較大食，而且今日無食早餐，好肚餓呀，肚餓時候特別感覺咩都想食，就叫左好多餸！飲品有汽水同豆漿揀，我梗係揀健康啲嘅豆漿啦，仲要黑豆漿更正，豆味幾香又濃，糖份仲好低添！估唔到車仔麵都有咁精緻嘅嘢食，黑毛豬露筍卷，黑毛豬切到薄薄，半肥瘦，入口即溶，露筍煮得較軟身，唔係爽果隻，香甜無渣。龍蝦湯幼麵，上菜後姐姐幫我即場灑黑椒，感覺似食緊西餐，龍蝦湯清而鮮，配幼麵都幾夾。咖哩魚蛋- 咖哩汁幾辣，魚蛋圓碌碌，軟彈。娃娃菜- 腍甜，索左汁更好吃。豬皮- 煮到較腍，我鍾意呢種質感。冬菇- 果然頂級，好厚肉，炆到好軟熟，蠔油又入味。蘿蔔- 無渣清甜，靚料。炸墨魚手指- 墨魚味幾濃，有兩條。牛筋- 成抽咁，煮到腍，保留膠原質感。豬腸- 洗得好乾淨，可能太乾淨之故，好似唔夠肥美，但就健康啲。最後要提一提呢個和牛汁，係自家製架，好香
之前食過一次村爺爺，留低幾好印象，今日趁去做facial之前又黎食先。
呢度食野要喺出面點左叫左先，再搵位坐，姐姐會睇住有冇位先整，唔會有野食出左而無位坐的。
原諒我比較大食，而且今日無食早餐，好肚餓呀，肚餓時候特別感覺咩都想食，就叫左好多餸！
飲品有汽水同豆漿揀，我梗係揀健康啲嘅豆漿啦，仲要黑豆漿更正，豆味幾香又濃，糖份仲好低添！
估唔到車仔麵都有咁精緻嘅嘢食，黑毛豬露筍卷，黑毛豬切到薄薄，半肥瘦，入口即溶，露筍煮得較軟身，唔係爽果隻，香甜無渣。
龍蝦湯幼麵，上菜後姐姐幫我即場灑黑椒，感覺似食緊西餐，龍蝦湯清而鮮，配幼麵都幾夾。
咖哩魚蛋- 咖哩汁幾辣，魚蛋圓碌碌，軟彈。
娃娃菜- 腍甜，索左汁更好吃。
豬皮- 煮到較腍，我鍾意呢種質感。
冬菇- 果然頂級，好厚肉，炆到好軟熟，蠔油又入味。
蘿蔔- 無渣清甜，靚料。
炸墨魚手指- 墨魚味幾濃，有兩條。
牛筋- 成抽咁，煮到腍，保留膠原質感。
豬腸- 洗得好乾淨，可能太乾淨之故，好似唔夠肥美，但就健康啲。
最後要提一提呢個和牛汁，係自家製架，好香濃，好多餸都有特別調味製作，加埋呢個和牛汁，同麵分開上係聰明做法！
睇得出由選材至每樣餸菜同汁料製作都好有心，大力支持呢間小店！
Post
