華膳正點 (Closed)

跟姐姐的上班地點都在佐敦附近，既然無飯帶就約姐出街食Lunch～兩個人想去食點心，如果去酒樓就唔係太化算，而且Lunch Time好多時都爆滿，而近期附近開左間食點心的餐廳，於是就去試下啦！地點就在佐敦道，門面好大個招牌，都好易搵！餐廳有兩層，因為第一層滿座，就被安排到樓上二樓～點心款式唔算多，亦都唔算少，可以用點菜單選好再交俾店員落單～另外也有炒粉炒飯等，其實也跟酒樓差不多～茶位每位HK$6，唔算貴～我們就點了鐵觀音～蜜汁叉燒腸粉（HK$28）腸粉的外皮好嫩滑，每條入面都有唔少叉燒～而且是即叫即蒸，沾點豉油食十分好味，叉燒是半肥瘦，好易咬開！蒜香海鮮長春卷（HK$34）看到隔離枱叫，成杯Cocktail咁上碟，賣相十分吸引～這條是幼長身的炸春卷，方便食用之餘又唔會食到周枱都係碎碎，中間仲有幾塊蝦片作點綴～春卷皮薄香脆，而入面是好彈牙爽口的蝦肉，不錯！雜菌磨菇包（HK$28）以磨菇的外形，連顏色都是相似，好可愛，賣相吸晴！而咬開有很多雜菌碎，口感豐富，而且好香菇味，也是素食者之選！黑松露鮮竹卷（HK28）這個鮮竹卷加了黑松露，中西合壁，好特別～鮮竹卷以腐皮包著有鮮蝦、肉碎、蘿蔔絲等餡料