九份飽 (蜆殼街) (Moved) New Location

細細間嘅一間台式餐廳，擁有着超凡嘅味道。餐廳門面好靚，你見到佢係有用心裝飾過，食物質素好似去咗轉台灣咁樣，當晚叫咗一碗紅燒牛肉麵、鹽酥雞扒米粉、麻辣豬耳、仲有個蠔餅。雖然舖頭細細間，但係份量多得驚人！真係大件夾抵食咪就係呢啲。鹽酥雞扒薄皮厚肉，新竹米粉Q彈，可惜湯底唔夠濃味。相反紅燒牛肉麵嘅湯底就真係沒齒難忘，好明顯飲到牛骨味，相當濃郁。豬耳份量唔少，但辣到來講呢就唔係好辣啦～至於坷仔煎面頭嗰個羡汁直情同夜市一模一樣！蠔唔大粒但係新鮮，隻蛋唔會煎得好熟，再加上大量嘅蔥花，簡直係Perfect嘅一碟餸菜。食完係十級飽，並不是九份飽。