甜記餃子 (Moved) New Location

今日睇完戲就黎食個晏。由於平時中午，晚上都好多人，要等好耐，因為係三四點嘅時間，所以唔使等位。客人得三四，職員企係到都有三四個，見到有客人呢都唔識叫人坐，木木獨獨或企喺度傾計。難怪忙嘅時，態度會都唔好啦。啲夥記都係靚仔靚妹，有傾有講當然唔介意，但基本服務都要有。見到有個客人要order，個o靚仔冇諗住行埋去落單，淨係帶大叫問客食乜嘢，仲衰過茶記。叫咗十隻，雙拼湯餃，芫茜細肉同埋南瓜忌廉餃。芫茜豬肉一啲都唔出眾，可能因為尋日食完皇后餃子嘅芫茜豬肉實在非常好味，好香，甜記呢間差得太多了。不過南瓜忌廉餃子實在不錯，主要因為南瓜有甜味。辣菜脯都唔錯，不過個餃子醋就係鎮江醋味，麻麻。不過42蚊十隻好抵啦，仲有一讚就係個湯底，我要左蕃茄薯仔湯，好味，飲曬！只可以話要等位等好耐我就唔會食，餃子仲有好多好選擇，唔建議專登過嚟或者排好耐隊食。