南小館Plus (Closed)

今日同屋企人食飯，聽人講話南小館啲嘢好好味，咁啱去開銅鑼灣就去咗希慎廣場呢間去試吓。我哋嗌左薺菜炒年榚，紅油抄手，老重慶擔擔麵，水煮牛肉同埋小籠包。因為我哋都好住食辣，所以今餐都好啱口味。紅油抄手個汁好正，入面好足料，好食！呢隻擔擔麵同我以前食嗰啲擔擔麵都唔一樣，佢係比較辣，同埋冇花生醬，所以我好鍾意。食完啲辣野，食返啲唔辣有菜的，幾啱，薺菜炒年榚好大份，好抵食。好鍾意呢個水煮牛肉，因為佢啲料好足，辣味十足，啲牛肉比起出邊嗰啲水煮牛肉都多，入面個粉都多。個小籠包好好味，因為佢勁多汁，咬落去成口都係湯汁。