Jack's Terrazza Ristorante

Open Now

Now Closed

因為唔係好熟路，同埋Google map個地址好似錯錯地，所以果日就whatsapp左店家詢問下有冇營業。但後尾因為太肚餓既關係是但搵左間食，食完又好似唔飽，就再whatsapp問下店家地址，諗住再食過，同埋都想睇下呢間店，因為睇相，好似好靚。店家好快就回覆我，仲話可以係小巴站黎接我地帶我地過去，嘩！真係受寵若驚，香港會有呢d服務！5星級酒店都未必有啦，唔加錢既話。所以真係好多謝店家，但都決定自己搵下先。小巴站同餐廳非常近，行一陣就見到啦。佢地仲預備左最近live band既位置俾我地，可以聽下歌，又食下野。因為晚上既關係，加上疫情原因，人數唔多，地方夠哂大。但因為岩岩食完野都叫唔到好多野食，叫左個海鮮拼盤，洋蔥湯。比較難忘係個洋蔥湯，夠濃味！店員仲好細心等我食完冷盤先上湯。仲有就係d餐包好好食，店員仲俾左兩款我食！同埋睇到神奇既經理表演用碟切燒豬。經理仲話我地可以點歌架，不過我有d唔好意思，冇點到，唔個點咩歌好。呢度食客同員工既關係好好，氣氛好親切，得閒既話一定會再黎。