鴻福堂

Open Now

Now Closed

早上10點30分諗住食個早餐，附近嘅餐廳都要排隊，為咗快，選擇咗鴻福堂。鴻福堂入邊冇客人，見到餐牌有燒賣，粢飯，等等嘅套餐。見到粢飯一個$20，如果加飲品就要$28。飲品只有豆奶，奶茶，鴛鴦。唔啱飲，所以淨係買一個粢飯算數。粢飯係包住保鮮紙，已經入咗喺一個真空膠袋入邊，衛生程度幾好。不過想講，呢個粢飯係我有史以來食過最難食嘅粢飯。粢飯啲糯米飯淋到出水，圖中可見，糯米飯已經由一粒粒淋到變咗一pat pat。裏面嘅餡亦都非常之少，基本上入邊舊油炸鬼已經變咗腍啤啤，肉鬆都係濕嘅，成嚿粢飯入邊得一粒榨菜。雖然$20係好平，但係呢個粢飯真係好難食！