Video
Read full review
2015-03-12
368 views
之前聽到富豪香港酒店31樓開左間新意大利餐廳就已經心郁郁想上去試下，琴日終於拉到媽咪陪我去喇！Alto 88全部都係落地玻璃，望出去真係幾靚，不過可惜琴晚大霧丫，睇唔清個維港靚景，不過我都真係第一次咁高望落維園，成個維園咁大，一眼望哂，感覺幾得意。餐廳環境寧靜，燈光都岩岩好，唔會太暗，枱面仲有個小小蠟燭，裝飾之餘，令到成個氣氛都變得好好！我就簡左個Tasting Set Menu，頭盤係吞拿魚他他配青蘋果粒，雖然係青蘋果，但一D唔酸，仲好清甜爽口添！吞拿魚又唔腥，淡淡地配埋底下嘅青蘋果粒非常夾，兩者都唔會搶走對方嘅味道，成個頭盤感覺好清新。頭盤之後就係香煎帶子配水牛芝士慕絲，帶子好鮮甜爽口，上面仲有我最鐘意嘅巴馬火腿肉碎，見到就好想食，不過尼一道菜式真係要沾多D水牛芝士慕絲先可以令到個帶子味道更特出，如果唔係個口感就會比較乾同單調。跟住就係個煙燻意大利飯，尼個飯真係值得一試架！個飯係用左7年米，顧名思義即係D米係擺左7年，口感煙韌，粒粒分明。待應係介紹菜式嘅時候話尼個飯係得獎飯黎架，仲有佢一定嘅方式去食添。個飯嘅特別之處係飯底有牛肝菌碎係到，食嘅時候一定要連埋黎食，先會令到個飯更香。意
Alto 88全部都係落地玻璃，望出去真係幾靚，不過可惜琴晚大霧丫，睇唔清個維港靚景，不過我都真係第一次咁高望落維園，成個維園咁大，一眼望哂，感覺幾得意。
餐廳環境寧靜，燈光都岩岩好，唔會太暗，枱面仲有個小小蠟燭，裝飾之餘，令到成個氣氛都變得好好！
我就簡左個Tasting Set Menu，頭盤係吞拿魚他他配青蘋果粒，雖然係青蘋果，但一D唔酸，仲好清甜爽口添！吞拿魚又唔腥，淡淡地配埋底下嘅青蘋果粒非常夾，兩者都唔會搶走對方嘅味道，成個頭盤感覺好清新。頭盤之後就係香煎帶子配水牛芝士慕絲，帶子好鮮甜爽口，上面仲有我最鐘意嘅巴馬火腿肉碎，見到就好想食，不過尼一道菜式真係要沾多D水牛芝士慕絲先可以令到個帶子味道更特出，如果唔係個口感就會比較乾同單調。
跟住就係個煙燻意大利飯，尼個飯真係值得一試架！個飯係用左7年米，顧名思義即係D米係擺左7年，口感煙韌，粒粒分明。待應係介紹菜式嘅時候話尼個飯係得獎飯黎架，仲有佢一定嘅方式去食添。個飯嘅特別之處係飯底有牛肝菌碎係到，食嘅時候一定要連埋黎食，先會令到個飯更香。
意大利飯之後就係香煎黑鱈魚配甜蒜頭汁，個鱈魚雖然好厚肉，口感都好煙韌爽口，不過味道就比較淡左少少，須要沾較多甜蒜頭汁黎帶出個味，不過整體黎講都OK，係好味嘅！
到左尾二嘅菜式，就係黃猄，黃猄係咩黎我真係唔知，都係第一次食，不過待應就介紹話佢其實係燒味嘅一種，味道有少少似牛肉，肉質都好鮮嫩，幾好味。
到最後就係甜品，開心果慕絲脆卷配eggnog cream。朱古力脆卷唔會話好甜，配埋內裡嘅mousse同cream一齊食簡值絕配，又唔會漏。
食完哂個dinner，真係覺得Alto 88值得一試再試，環境同氣氛好之餘，食物都算大份又好味同新鮮，非常飽肚。另外仲有待應向你介紹每一道菜式，麵包亦可refill，好值得推介。
Post
