Video
Read full review
2023-10-04
55 views
我發現發現咗一間CP值超高嘅餐廳，今日帶我好朋友嚟試下，順便慶祝中秋。呢度菜式主打泰式加西式，而且仲係半自助餐形式，好少樓上舖會咁做。今晚我哋叫左$438嘅半自助套餐，有自助沙律吧、前菜、頭盤、主菜。沙律吧係無限次任食，而且一啲都唔普通，有溏心蛋、莎樂美腸、蟹腳、芝士拼盤同埋各款沙律菜。每款賣相都好精緻味美，每枱嘅客人都不斷添食。是日餐湯係南瓜湯，南瓜湯香濃鮮味，每啖都有南瓜蓉。頭盤：忌廉白酒煮青口配蒜蓉包（套餐加$28）忌廉白酒汁非常creamy，香濃嘅奶味配上新鮮嘅青口，真係絕配。蒜蓉包非常好食，佢嘅蒜蓉醬味係自己特別調制，香料味特別突出。椰香紅咖哩軟殼蟹配烤餅紅咖哩汁非常出色，烤餅酥脆而不油膩,兩者結合，食完唔會有罪惡感。軟殼蟹都好大隻，一人一半份量啱啱好。主菜：香煎黑松露雞卷，黑松露釀入雞肉入面，香煎而成，黑松露嘅份量都唔少，雞肉嫩滑。香煎美國頂級牛板腱牛板腱牛味香濃，肉質軟滑，廚師將牛板腱煎得外香內軟，入口肉味散發係口腔，估唔到樓上鋪有呢個水準，真係喜出望外。（私心大推）最後我哋飲埋泰式凍奶茶，佢嘅冰係用茶水製造嘅冰波，好有心去做呢杯茶。而佢嘅奶茶用一個好靚嘅樽裝住，單睇外表
今晚我哋叫左$438嘅半自助套餐，有自助沙律吧、前菜、頭盤、主菜。
沙律吧係無限次任食，而且一啲都唔普通，有溏心蛋、莎樂美腸、蟹腳、芝士拼盤同埋各款沙律菜。每款賣相都好精緻味美，每枱嘅客人都不斷添食。
是日餐湯係南瓜湯，南瓜湯香濃鮮味，每啖都有南瓜蓉。
頭盤：忌廉白酒煮青口配蒜蓉包（套餐加$28）忌廉白酒汁非常creamy，香濃嘅奶味配上新鮮嘅青口，真係絕配。蒜蓉包非常好食，佢嘅蒜蓉醬味係自己特別調制，香料味特別突出。
椰香紅咖哩軟殼蟹配烤餅
紅咖哩汁非常出色，烤餅酥脆而不油膩,兩者結合，食完唔會有罪惡感。軟殼蟹都好大隻，一人一半份量啱啱好。
主菜：香煎黑松露雞卷，黑松露釀入雞肉入面，香煎而成，黑松露嘅份量都唔少，雞肉嫩滑。
香煎美國頂級牛板腱
牛板腱牛味香濃，肉質軟滑，廚師將牛板腱煎得外香內軟，入口肉味散發係口腔，估唔到樓上鋪有呢個水準，真係喜出望外。（私心大推）
最後我哋飲埋泰式凍奶茶，佢嘅冰係用茶水製造嘅冰波，好有心去做呢杯茶。而佢嘅奶茶用一個好靚嘅樽裝住，單睇外表賞心悅目。當奶茶同埋冰波溝埋一齊嘅時候濃濃嘅茶味就係口腔散發出嚟。超正呀！
Post
