古早牛肉麵 (Closed)

深水埗嘅食物選擇真係好豐富，中西日韓台，咩都有得食。同朋友經過依間牛肉麵，7點已經開始排隊，我哋當然唔執輸，排埋一份啦！我哋好快就有位喇。坐底就望吓張落單紙，除咗湯麵之外，仲有好多小食可以揀，仲有魯肉飯添！我就揀咗個三牛薈湯麵喇。食物都好快上枱，湯麵個湯好香濃。三牛薈包括牛腱，牛筋同牛肚，蘿蔔仲好大塊添呀！先試一試個湯底，好濃嘅牛肉香，但係又唔會太咸。再試吓個麵，口感煙韌，絕對無煮到過龍，幾好。到三牛薈喇，三樣都滷得好入味，牛腱好冧，唔會有渣，好食呀！牛筋同牛肚都好正，入晒味，正！唔好睇個蘿蔔平平無奇呀，都好甜架。