堅離地 7 PO (Closed)

午市時段黎，得我地一檯，裝修好有特色，啲燈好靚，好似去左土耳其定印度咁。檯面既餐墊設計都好特別。午市有套餐揀，包埋餐飲，不過餐飲多數係港式飲品。乳酪雞肉咖喱，非常入味，好香既咖喱味，啲料好多，將個飯轉左做餅，分兩邊，同朋友一人一邊，包住食，食唔停，咖喱夠濃稠，正。牛肉夾餅，有三件，抵食，芝士加埋牛肉，真係一絕，佢啲料都好大方，好滿足，好惹味，而且食完唔口渴，雖然佢略嫌有少少乾左啲，但我加埋剩底既咖喱一齊，係另一種享受，更加濃味。埋單人均 $80，相當抵食。