Opa Mediterranean Bar and Bistro (Closed)

自己一路都好鍾意食地中海嘅菜式，以前去土耳其嘅時候，成日都要飲佢嘅Bean Soup，但係返到嚟香港之後，呢一類嘅餐廳其實真係唔多，可以食得返有地道風味嘅地中海菜，真係要啲時間去搵搵。難得收得早，所以就喺尖沙咀附近搵吓有啲乜嘢地方係坐得舒服嘅，同時間亦都可以食少少野。一坐低嘅時候，天氣其實雖然唔算特別熱，但係自己都好想可以飲一啲解渴嘅嘢。由於佢呢度冇1664 ，所以我就叫咗一杯Hoegaarden白啤，Happy Hour都係$68杯，其實一啲都唔算貴。之後我竟然搵到佢有Bean Soup，所以就一定唔少得會叫一叫。飲落去嘅時候，飲得出佢呢一碗嘅Bean Soup用咗幾款豆磨制而成，但入口感覺又好順滑，而且唔鹹，絕對值得一試。之後我叫咗一個小食：香蒜牛油大蝦🍤，我起初以為佢係會比幾隻大蝦我，然後開左邊，再加少少蒜蓉喺上面；但當佢送到黎嘅時候，我就明白我嘅期望係錯嘅；反而更加驚喜嘅就係佢融合咗地中海嘅風味，用上咗唔同款式嘅青椒紅椒，再加埋蒜蓉，mix成一堆蒜泥，再混和大蝦，用匙羹慢慢食，每一啖都係一堆蒜蓉、紅椒青椒、同埋大蝦，非常特別👍呢度嘅環境亦都非常優美，我好喜歡。