OPPA韓國燒肉店 (Closed)

自己呢排都比較少出街食飯，但係朋友介紹呢間餐廳嘅韓燒抵食，自己又喺大埔人，所以就出街食一食呢間餐廳。餐廳本身有好多套餐可以揀，我自己就食咗佢嘅和牛韓燒套餐，平日嘅話係$238 ，但我係星期六嚟，所以就要比多$30。和牛本身有一份，有齊好多唔同部位，包括西冷、牛脷等等，餐廳仲好有心機，將唔同部位放喺一個牛形碟上，所以食落嘅時候絕對會知道食緊乜嘢部位。同其他韓國餐廳一樣，一開始嘅時候，餐廳會擺好唔同嘅前菜，有泡菜、芽菜等等。醬料都有兩款，我自己就比較鍾意右手邊嘅辣醬。一望五花肉，非常肥厚，點少少鹽，包埋啲菜一齊食，可以係一個非常嘢未嘅頭盤；呢度有一個位比較特別嘅係：燒烤盤係向側傾斜，一笑五花肉嘅時候，就會見到啲油一路滴走，唔會長時間留喺度，比較健康。牛脷係非常爽脆；我知道有啲餐廳會特登唔俾呢個部位，因為非常珍貴，但係呢度都真係好大方，而且好脆，幾好食。肉嘅份量非常多，我哋兩個人，食完一半之後，都覺得非常飽。餐廳仲可以有唔同配料、小食去揀，包括人蔘雞湯、蜆湯，同埋午餐肉等等唔同小食，我自己就幾鍾意呢個人蔘雞湯，蔘味都唔少。最後餐廳亦都有雪糕送👍