Video
Read full review
2019-05-17
576 views
聽左呢間放題好耐，但一直因為價錢而卻步。難得遇到團購，決定組隊試試佢。場內唔算多座位，入座起計2.5小時。一入座會即刻上唔同種類既拼盤比你。刺身除左平時既基本野之外，仲有海膽同生蠔。兩者質素都未俗，海膽甘甜無臭味，生蠔偏細但重海水味。海膽無得任嗌，上完一轉就無，但生蠔有，所以我地後來都一人再叫多兩隻。刺身質素不俗，未算十分好。帶子好薄好林，同平時食既帶子刺身有少少唔同，朋友仔話因為佢唔係真既帶子。三文魚唔算肥美，蝦尚算鮮甜。之後再上另一份極上海鮮拼盤，有一條喜之次，蟹腳同埋扇貝。扇貝大大隻，仲有牛油係面，不過牛油少得滯，燒完出黎都唔覺有牛油味。底部仲有大大隻虎蝦，好有鮮味，值得推介。喜之次係北海道一種珍貴既深海魚，但是日食呢條喜之次質素一般，偏細條，每人食少少都無晒。要特別彈既係蟹腳，未食過咁難食既蟹腳。無海水味，乾爭爭，肉都唔多，每個人一打開食左一啖已經要放棄。黎到燒肉既部份，無令大家失望。款式好多，一望都見到係有質素既靚牛。D油花好靚，食落好有油香。我地特別鍾情牛胸腹，好有牛味，又有油香味，之後都Encore左兩轉。雞肉拼盤一般雪糕同飲品選擇都好多，有MOVENPICK同埋雪糕批任
難得遇到團購，決定組隊試試佢。
場內唔算多座位，入座起計2.5小時。
一入座會即刻上唔同種類既拼盤比你。
刺身拉盤
10 views
0 likes
0 comments
刺身除左平時既基本野之外，仲有海膽同生蠔。
兩者質素都未俗，海膽甘甜無臭味，生蠔偏細但重海水味。
海膽無得任嗌，上完一轉就無，但生蠔有，所以我地後來都一人再叫多兩隻。
刺身質素不俗，未算十分好。
帶子好薄好林，同平時食既帶子刺身有少少唔同，朋友仔話因為佢唔係真既帶子。
三文魚唔算肥美，蝦尚算鮮甜。
海鮮拼盤
13 views
0 likes
0 comments
之後再上另一份極上海鮮拼盤，有一條喜之次，蟹腳同埋扇貝。
扇貝大大隻，仲有牛油係面，不過牛油少得滯，燒完出黎都唔覺有牛油味。
底部仲有大大隻虎蝦，好有鮮味，值得推介。
喜之次
13 views
0 likes
0 comments
24 views
0 likes
0 comments
喜之次係北海道一種珍貴既深海魚，但是日食呢條喜之次質素一般，偏細條，每人食少少都無晒。
要特別彈既係蟹腳，未食過咁難食既蟹腳。
無海水味，乾爭爭，肉都唔多，每個人一打開食左一啖已經要放棄。
燒肉拼盤
29 views
0 likes
0 comments
黎到燒肉既部份，無令大家失望。
款式好多，一望都見到係有質素既靚牛。
D油花好靚，食落好有油香。
我地特別鍾情牛胸腹，好有牛味，又有油香味，之後都Encore左兩轉。
雞肉拼盤
8 views
0 likes
0 comments
雪糕
21 views
0 likes
0 comments
雪糕同飲品選擇都好多，有MOVENPICK同埋雪糕批任食
飲品方面有唔同既酒類，汽水同茶，仲有支裝凍水。
總結食物質素中上，但除左牛同海鮮之外其實都只屬一般。
係用餐期間都出現漏單情況，我地嗌左兩次刺身只黎左一次。
追單時職員只答「多單，排緊單，等一等。」
有D野無嗌但就重複咁黎。
團購既價錢我認為岩岩好，如果係正價黎食，我就覺得偏貴了。
Post
