裕鵝莊 (Closed)

第一次幫襯, 一心想試下燒鵝。阿姐介紹二人午市套餐, 套餐$220蚊, 話包夠食。包燒鵝一碟例牌, 兩碗例湯, 兩碗白飯和一碟油菜, 飲品要另外加$8蚊, 凍飲加$10蚊, (奇實幾蚊咁濕碎, 覺得套餐可以包埋)。燒鵝例牌上菜後覺得份量小, 唔似有1/4隻, 只得幾舊有骨嘅「脾」,骨多過肉, 同埋氈喺碟下面幾舊啲頭頭尾尾, 得皮同埋骨, 冇乜肉食, 食完唔覺得飽, 若果兩個男人應該唔夠食。埋單加一兩人$250蚊, 覺得唔值。其實見到網上的食評都唔錯, 一心想試下, 但十分失望, 不會再幫襯了。