芝加哥串燒酒場 (太和中心)

一坐低我地就叫左杯Kirin Osmanthus，自家製桂花糖漿配麒麟啤，係我每次黎必點的飲品；朋友就鐘意Little Creature Pale，味道稍濃帶甘，但食串燒我覺得就一流；一串炸饅頭都係$23，燒得香脆，加煉奶雖然邪惡，但就令人興奮😆之後叫左一條鰻魚，$99，外層皮香脆，內裡軟熟，醬汁香濃，拎黎配飯係一流；之後叫左一份燒羊上腦肉串，香口唔騷；之後我地叫左一份XO醬廣島蠔，呢個價錢坦白講我覺得算公道，深圳雖然平一半，但佢地用湛江蠔，冇咁圓潤飽滿多汁；我鐘意佢地呢到用嘅廣島蠔，粒粒肥大多汁；埋單$792，價錢我覺得公道。