L'AMOUR

充滿驚喜嘅餐廳，係歡喜個喜。係kkday訂咗一個二人餐，（但其實喺openrice訂都有折）佢剛好有買一送一。去個餐主要係包一個餐湯，前菜，主菜，同埋甜品餐湯😍😍😍😍佢有薯仔洋蔥湯同埋可以加錢叫龍蝦湯。我哋就加咗錢要龍蝦湯。味道好唔錯前菜🤩🤩🤩🤩🤩我哋要咗鵝肝撻同埋意大利雲吞。鵝肝撻。一咬落去流心勁多。入口即溶。一食想再食。意大利雲吞。蘑菇味好重，幸好唔太鹽。都好味主菜🥰🥰🥰🥰🥰我哋原本想叫豬腩肉同小牛扒但係佢話無貨。最後我哋叫咗韓式牛肋骨仲有黃油燒雞。牛肋骨一篤落去全部散曬超級軟綿。未到十分好味。小小兩大舊已經好飽。黃油雞兩個雞髀應該係有引火槍燒過所以有一陣焦香味。甜品😰😰😰😰我哋試咗佢個海膽雪糕同埋時日甜品朱古力撻。因為之前嗰啲太好食喇所以覺得呢兩樣嘢有啲中伏。海膽雪糕可以分開食咁樣會好食啲。朱古力實在太苦了。環境餐廳環境十分之好優雅，浪漫。冷氣充足，衛生環境，好音樂令到人很輕快。服務侍應很禮貌很專業。而且好後生靚仔。(比我上次食個間山頂餐廳好好多）